بۇ مەبلەغ سەھىيە، دۆلەت خامچوتى ۋە يېقىلغۇ بىلەن تەمىنلەشنى ئاساس قىلغان ھالقىلىق مۇلازىمەتلەرنى مۇقىملاشتۇرۇشقا يۈزلەندۈرىلىدۇ.
سەئۇدى ئەرەبىستان يەمەندىكى ئىقتىسادىي كرىزىسنى يېنىكلىتىش ئۈچۈن يەمەن پرېزىدېنتلىق رەھبەرلىك كېڭىشىنىڭ رەئىسى رەشات ئەل ئەلىمى باشچىلىقىدىكى يەمەن ھۆكۈمىتىگە تەخمىنەن 368 مىليون دوللار ئىقتىسادىي ياردەم بېرىدىغانلىقىنى ئېلان قىلدى.
سەئۇدى ئەرەبىستان تاشقى ئىشلار مىنىستىرلىقى شەنبە كۈنى يەمەن تەرەققىيات ۋە قايتا قۇرۇش پروگراممىسى دائىرىسىدە تەخمىنەن 368 مىليون دوللارنىڭ يېڭى ئىقتىسادىي تەرەققىيات ياردىمى سۈپىتىدە ئاجرىتىلىدىغانلىقىنى ئېلان قىلدى.
مىنىستىرلىق يەمەننىڭ ناچارلىشىۋاتقان ئىقتىسادىي ئەھۋالىغا دىققەتلەرنى تارتىپ، بۇ قارارنىڭ پادىشاھ سالمان بىن ئابدۇلئەزىزنىڭ يوليورۇقى ۋە ۋەلىئەھت شاھزادە مۇھەممەد بىن سالماننىڭ تەۋسىيەسى بىلەن ئېلىنغانلىقىنى بىلدۈردى.
بۇ ياردەم ئەل ئەلىمىنىڭ چاقىرىقىغا ئاساسەن بېرىلگەن بولۇپ، سەئۇدى ئەرەبىستاننىڭ يەمەننىڭ خەلقئارادا ئېتىراپ قىلىنغان ھۆكۈمىتىنى قوللىشىنىڭ بىر قىسمى ھېسابلىنىدۇ.
بۇ مەبلەغ سەھىيە، دۆلەت خامچوتى ۋە يېقىلغۇ بىلەن تەمىنلەشنى ئاساس قىلغان ھالقىلىق مۇلازىمەتلەرنى مۇقىملاشتۇرۇشقا يۆنەلتىلىدۇ.
يەمەن ئون يىلدىن كۆپرەك ۋاقىتتىن بۇيان توقۇنۇش ئىچىدە ياشاۋاتىدۇ. خۇسىيلار 2014-يىلى سېنتەبىردىن بۇيان پايتەخت سانا ۋە دۆلەتنىڭ بىر قىسىم جايلىرىنى كونترول قىلىپ كەلمەكتە.
بىرلەشكەن دۆلەتلەر تەشكىلاتى يەمەننىڭ 30 مىليون نوپۇسىنىڭ 22 مىليوندىن ئارتۇقىنىڭ ئىنسانپەرۋەرلىك ياردىمىگە ۋە قوغداشقا موھتاج ئىكەنلىكىنى مۆلچەرلىمەكتە.
پاكىز سۇ، يېمەك-ئىچمەك، دورا ۋە داۋالاش ئەسلىھەلىرىنىڭ كەمچىل بولۇشى ۋابا ۋە باشقا يۇقۇملۇق كېسەللىكلەرنىڭ تارقىلىشىنى كەلتۈرۈپ چىقىرىپ، پۇقرالارنىڭ ئازابىنى تېخىمۇ ئېغىرلاشتۇرۇۋەتتى.
