جۇمھۇر رەئىسلىك مەھكىمىسى ئۇچۇر - ئالاقە ئىشلىرى ئىدارىسىنىڭ ئاممىۋى ئورتاقلىشىش تور بېتى NSosyal سەھىپىسىدە ئېلان قىلىنغان باياناتىغا ئاساسلانغاندا، جۇمھۇر رەئىس رەجەپ تاييىپ ئەردوغان ئامېرىكا قوشما ئىشتاتلىرى پىرېزىدېنتى دونالد ترامپ بىلەن تېلېفون سۆھبىتى ئېلىپ بارغان.
تېلېفون سۆھبىتىدە، جۇمھۇر رەئىس ئەردوغان رايوندىكى توقۇنۇش جەريانىدا ئۇرۇش توختىتىش مۇددىتىنىڭ ئۇزارتىلىشى قارارىنى ئىجابىي بىر ئىلگىرىلەش دەپ قارايدىغانلىقىنى ۋە پىكىر ئىختىلاپى بار مەسىلىلەردە مۇۋاپىق بىر چارە تېپىشنىڭ مۇمكىنلىكىگە ئىشىنىدىغانلىقىنى بىلدۈرگەن.
جۇمھۇر رەئىس ئەردوغان ناتو ئەنقەرە باشلىقلار يىغىنى تەييارلىقلىرىنىڭ داۋاملىشىۋاتقانلىقىنى، باشلىقلار يىغىنىنىڭ ھەر جەھەتتىن مۇۋەپپەقىيەتلىك ئۆتۈشى ئۈچۈن پۈتۈن كۈچى بىلەن تىرىشىۋاتقانلىقىنى ئەسكەرتكەن.
ئەردوغان يەنە ئالدىنقى كۈنى سان دىياگو شەھىرىدىكى بىر جامەگە قىلىنغان رەزىل ھۇجۇم مۇناسىۋىتى بىلەن ئامېرىكا پىرېزىدېنتى ترامپقا تەزىيە بىلدۈرگەن؛ تۈركىيەنىڭ قايسى دىنىي گۇرۇپپىغا قاراتقان بولۇشىدىن قەتئىينەزەر، بۇ خىل ئۆچمەنلىك جىنايەتلىرىگە قەتئىي قارشى ئىكەنلىكىنى تىلغا ئالغان.
