تۈركىيە
1 مىنۇت ئوقۇش
ئەردوغان رىياد ئايرودۇرۇمىغا قىلىنغان ھۇجۇملارنى قاتتىق ئەيىبلىدى
جۇمھۇر رەئىس رەجەپ تاييىپ ئەردوغان ھۇسىيلارنىڭ رىيادتىكى پادىشاھ خالىد خەلقئارا ئايرودۇرۇمىدا 12 كىشىنىڭ ئۆلۈمى ۋە 309 كىشىنىڭ يارىلىنىشىغا سەۋەب بولغان ھۇجۇملىرىنى قاتتىق ئەيىبلىدى.
ئەردوغان رىياد ئايرودۇرۇمىغا قىلىنغان ھۇجۇملارنى قاتتىق ئەيىبلىدى
جۇمھۇر رەئىس ئەردوغان كابىنېت يىغىنىدىن كېيىن سۆز قىلدى

جۇمھۇر رەئىس رەجەپ تاييىپ ئەردوغان تۈركىيە جۇمھۇرىيىتى جۇمھۇر رەئىسلىك مەھكىمىسى بىناسىدا ئۆتكۈزۈلگەن كابىنېت يىغىنىدىن كېيىن خەلققە خىتاب قىلدى.

تۈركىيە جايلاشقان رايوندىكى توقۇنۇش نۇقتىلىرىغا ھەر كۈنى يېڭىلىرىنىڭ قوشۇلۇۋاتقانلىقىغا ئىشارەت قىلىپ ئۆتكەن ئەردوغان مۇنداق دېدى:

«لىۋاندىن يەمەن ۋە ئىرانغىچە سوزۇلغان رايوندا جىددىيچىلىك كۈچەيمەكتە. بولۇپمۇ ۋاكالەتچى كۈچلەر ئارقىلىق تۈرلۈك ھېساب-كىتابلارنى قىلىشقا ئۇرۇنۇلماقتا. تۈركىيە خېلىدىن بۇيان ئەتراپىنى قورشاپ تۇرغان كىرىزىس بەلبېغىغا قارىماي، مۇقىملىق، بىخەتەرلىك ۋە خاتىرجەملىك ئارىلى بولۇش ئورنىنى كۈندىن-كۈنگە مۇستەھكەملىمەكتە.

بىز رايون مەسىلىلىرىنى ھەل قىلىش مەسئۇلىيىتىنى رايون دۆلەتلىرى ئۈستىگە ئېلىشى كېرەك، دېگەن چۈشەنچە بىلەن، ئىختىلاپلارنى جەڭ مەيدانىدا ئەمەس، سۆھبەت ئۈستىلىدە دىيالوگ ۋە دىپلوماتىيە ئارقىلىق ھەل قىلىشنى ياقلايمىز. ئىگىلىك ھوقۇق ۋە زېمىن پۈتۈنلۈكىگە ئۆزئارا ھۆرمەت قىلىش ئاساسلىق پىرىنسىپىمىزدۇر. بىزنىڭچە، بۆلۈنۈش ۋە پارچىلىنىش پەقەت رايونىمىزنى قان كۆلىگە ئايلاندۇرماقچى بولغان رەزىل كۈچلەرنىڭ مەنپەئەتىگە خىزمەت قىلىدۇ.

بۇ نۇقتىدىن، ھۇسىيلارنىڭ 10-ئۆكتەبىردە رىيادتىكى پادىشاھ خالىد خەلقئارا ئايرودۇرۇمىغا قارىتىپ، 12 كىشىنىڭ ئۆلۈمى ۋە 309 كىشىنىڭ يارىلىنىشىغا سەۋەب بولغان ھۇجۇملىرىنى ئەڭ قاتتىق شەكىلدە لەنەتلەيمىز. ئارىسىدا ئۆمرە زىيارىتىگە بارغانلارمۇ بولغان مەرھۇم قېرىنداشلىرىمىزغا ئۇلۇغ ئاللاھتىن مەرھەمەت، يارىلانغان قېرىنداشلىرىمىزغا تېز شىپالىق تىلەيمىز. تۈركىيە قانۇنغا ۋە ئىنسانىيەتكە خىلاپ ھۇجۇملار ئالدىدا سەئۇدى ئەرەبىستان ۋە سەئۇدى قېرىنداشلىرىنىڭ يېنىدا تۇرىدۇ.»

ئەردوغان تۈركىيە، پاكىستان ۋە سەئۇدى ئەرەبىستان ئوتتۇرىسىدا 7-ئاۋغۇستتا ئىمزالانغان ئورتاق مۇداپىئە كېلىشىمىنىڭ تەشكىلىي قۇرۇلمىسىنى بەرپا قىلىش خىزمەتلىرىنىڭ داۋاملىشىۋاتقانلىقىنىمۇ سۆزلىرىگە ئىلاۋە قىلدى.

ئىزدىنىڭ
ئەردوغان: COP31 دىكى قەتئىي ئىرادە پارىژ كىلىمات كېلىشىمىنى ئەمەلىيلەشتۈرۈشكە تۈرتكە بولىدۇ
پاكىستاندا مىنىبۇس دەرياغا قۇلاپ چۈشۈپ كېتىپ، 11 كىشى ھاياتىدىن ئايرىلدى
ترامپ ۋەزىپىسىدىن ئايرىلىشتىن بۇرۇن كۇبا مەسىلىسىنى ھەل قىلماقچى
زېلېنسكىي رۇسىيەنىڭ تارىختىكى ئەڭ چوڭ ئەسىر ئالماشتۇرۇشنى قوبۇل قىلغانلىقىنى ئېيتتى
CENTCOM: «ئىسرائىلىيەنىڭ ئامېرىكا ھۇجۇملىرى داۋاملىشىدۇ، دېگەن داۋاسى قۇرۇق پەرەز
ئىران ئىنقىلابىي مۇھاپىزەتچىلەر قىسمى: ئامېرىكانىڭ بەھرەيندىكى ئاگاھلاندۇرۇش رادارىغا زەربە بەردۇق
مالاتيادا يۈز بەرگەن تىك ئۇچار ھادىسىسىدە تۆت ئەسكەر شېھىت بولدى
ياۋروپا ئىتتىپاقى: بىزنىڭ خەۋپسىزلىكىمىز شۈبھىسىزكى ئۇكرائىنانىڭ خەۋپسىزلىكىگە مۇناسىۋەتلىك
ئامېرىكانىڭ ئىسرائىلىيەنى ئىرانغا قىلىنىدىغان يېڭى ھۇجۇملارغا تەييار تۇرۇشقا ئۈندىگەنلىكى بىلدۈرۈلدى
تۈركىيە بىلەن خىتاي ئوتتۇرىسىدا ئېنېرگىيە ساھەسىدە مەبلەغ سېلىش كېلىشىمى ئىمزالاندى
ئەلىيېۋ بىلەن زېلېنىسكىي دۇبلىندا كۆرۈشتى
خىتاي: ئامېرىكا جاسۇسلۇق ھەققىدىكى دەۋالارنى تېخنىكا چەكلىمىلىرىگە باھانە قىلىۋاتىدۇ
ئامېرىكا ۋە خىتاي رۇسىيە سۆھبىتىدە يادرو قورالسىزلىنىشنى ئوتتۇرىغا قويىدۇ
تۈركىيەلىك سەنئەتكارلار ۋە تەنھەرىكەتچىلەر كىلىمات كىرىزىسىغا قارشى دەرھال ھەرىكەتكە ئۆتۈشكە چاقىردى
غەززەدە ناسىر دوختۇرخانىسى ۋەھشىيانە ھۇجۇمغا ئۇچرىدى