تۈركىيە تاشقى ئىشلار مىنىستىرلىقى تۈرك بوغۇزلىرىنىڭ ئورنىنى بەلگىلەيدىغان «مونترو بوغۇزلار كېلىشىمى»نىڭ 90 يىلدىن بىرى بىتەرەپلىك، ئوچۇق-ئاشكارىلىق ۋە ئىنچىكە ئېھتىياتچانلىق بىلەن ئىجرا قىلىنىۋاتقانلىقىنى ئەسكەرتىپ، كېلىشىمنىڭ بۇندىن كېيىنمۇ ئەنە شۇنداق قەتئىيلىك بىلەن ئىجرا قىلىنىدىغانلىقىنى ئېلان قىلدى.
مىنىستىرلىقتىن ئېلان قىلىنغان يازما باياناتتا، تۈرك بوغۇزلىرىنىڭ ئورنىنى بەلگىلەيدىغان ۋە تۈركىيەنىڭ بوغۇزلار ئۈستىدىكى ئىگىلىك ھوقۇقىنى جەزملەشتۈرىدىغان «مونترو بوغۇزلار كېلىشىمى»نىڭ قارادېڭىزدىكى تىنچلىق، بىخەتەرلىك ۋە مۇقىملىقنىڭ ئاساسلىق كاپالەتلىرىدىن بىرى ئىكەنلىكى بىلدۈرۈلدى.
باياناتتا مەزكۇر كېلىشىمنىڭ مەيلى تىنچلىق مەيلى ئۇرۇش مەزگىللىرىدە بولسۇن، ئۆز كۈچىنى ئۈزلۈكسىز ساقلاپ كەلگەنلىكى تەكىتلىنىپ مۇنداق دېيىلدى: «تۈركىيە بۈگۈنگىچە بولغىنىدەك، بۇندىن كېيىنمۇ مونترو بوغۇزلار كېلىشىمىنى ئەنە شۇنداق قەتئىيلىك بىلەن ئىجرا قىلىشنى داۋاملاشتۇرىدۇ».
