ئىران پىرېزىدېنتى مەسئۇد پېزەشكىيان دۆلىتىنىڭ يادرولۇق قورال ياكى رايوندا مۇقىمسىزلىق يارىتىشنىڭ كويىدا ئەمەسلىكى توغرىسىدا خەلقئارا جەمئىيەتكە كاپالەت بېرىشكە تەييار ئىكەنلىكىنى ئېيتتى.
دۆلەت خەۋەر ئاگېنتلىقى IRNA نىڭ خەۋىرىگە قارىغاندا، پېزەشكىيان: «ئىراننىڭ مەرھۇم رەھبىرى ئەلى خامەنېنىڭ شاھادىتىدىن ئىلگىرىمۇ ئېلان قىلغان ئىدۇق، ھازىرمۇ تەكرارلايمىز: دۇنياغا يادرو قورالنىڭ پېيىدە ئەمەسلىكىمىز توغرىسىدا كاپالەت بېرىشكە تەييارمىز» دېدى.
پېزەشكىيان رايونلۇق مۇقىمسىزلىقنى ئەسلى تېل ئاۋىۋنىڭ ئەۋج ئالدۇرۇۋاتقانلىقىنى بىلدۈرۈپ، ئىسرائىلىيەنى «بۈيۈك ئىسرائىلىيە» تەسەۋۋۇرىغا ئەگىشىش بىلەن ئەيىبلىدى.
پېزەشكىيان ئىرانلىق مۇزاكىرىچىلەرنىڭ دۆلەتنىڭ «شەرىپى ۋە غۇرۇرىدىن» ھەرگىز ۋاز كەچمەيدىغانلىقىنىمۇ سۆزىگە ئىلاۋە قىلدى.
ئامېرىكا بىلەن ئىران، 28-فېۋرالدا ئامېرىكا-ئىسرائىلىيە ھۇجۇملىرى بىلەن باشلانغان ۋە ئارقىدىن ئىراننىڭ ئىسرائىلىيە بىلەن بىر ۋاقىتتا پارىس قولتۇقتىكى ئامېرىكا ئىتتىپاقداشلىرىنى نىشانل قىلغان ئۆچ ئېلىشلىرى ۋە ھورمۇز بوغۇزىنىڭ تاقىلىشى بىلەن داۋاملاشقان ئۇرۇشنى ئاخىرلاشتۇرىدىغان بىر كېلىشىمگە تېخىمۇ يېقىنلاشقاندەك كۆرۈنمەكتە.
ئامېرىكا تاشقى ئىشلار مىنىستىرى ماركو رۇبىئو، پىرېزېدېنت دونالد ترامپنىڭ كېلىشىمنىڭ «زور دەرىجىدە مۇزاكىرە قىلىنغانلىقىنى» ۋە ھورمۇز بوغۇزىنىڭ قايتا ئېچىلىشىنى ئۆز ئىچىگە ئالىدىغانلىقىنى ئېلان قىلغاندىن كېيىن، دۇنيانىڭ پات يېقىندا «ياخشى خەۋەرلەرگە» ئېرىشەلەيدىغانلىقىنى ئېيتتى.
ترامپنىڭ باياناتىدىن ئىلگىرى ئىران تاشقى ئىشلار مىنىستىرلىقى باياناتچىسى ئىسمائىل بەقائى، ۋاشىنگتون بىلەن «يېقىنلىشىشقا قاراپ بىر يۈزلىنىش» بارلىقىنى ئېيتقان، ئەمما «بۇ، ئامېرىكا بىلەن مۇھىم مەسىلىلەردە مۇتلەق كېلىشىم ھاسىل قىلىدىغانلىقىمىزنى بىلدۈرمەيدۇ» دەپ ئاگاھلاندۇرۇش بەرگەن ئىدى.
رايوندىكى جىددىيچىلىكلەر، ئامېرىكا ۋە ئىسرائىلىيەنىڭ فېۋرال ئېيىدا ئىرانغا ھۇجۇم قىلىشىدىن بۇيان يۇقىرى ئۆرلىگەن ئىدى. تېھران دائىرىلىرى ئىسرائىلىيە بىلەن بىر ۋاقىتتا پارىس قولتۇقتىكى ئامېرىكا ئىتتىپاقداشلىرىنى ھۇجۇم نىشانى قىلغان ھەمدە ھورمۇز بوغۇزىنى تاقاپ جاۋاب قايتۇرغان ئىدى.
پاكىستان ۋاسىتىچىلىقىدا 8-ئاپرېلدا كۈچكە ئىگە بولغان ئۇرۇش توختىتىش، كېيىنچە ترامپ تەرىپىدىن مۇددەتسىز ئۇزارتىلغان ئىدى.
