تۈركىيە ئىسرائىلىيە پارلامېنتىدا ماقۇللانغان پەقەت پەلەستىنلىكلەرگىلا يولغا قويۇلىدىغان ئۆلۈم جازاسى قانۇنىنى ئەيىبلىدى.
تۈركىيە تاشقى ئىشلار مىنىستىرلىقى تور بېتىدە بايانات ئېلان قىلىپ، بۇ بەلگىلىمىنىڭ «ئىشغالىيەتچى كۈچ ئىسرائىلىيەنىڭ پەلەستىنلىكلەرگە قاراتقان ئاپارتېيد (ئىرقچىلىق) تۈزۈمىنى تېخىمۇ ئېغىرلاشتۇرۇش»نى مەقسەت قىلىدىغانلىقىنى ئوتتۇرىغا قويدى.
مىنىستىرلىق بۇ قانۇننىڭ «پەلەستىن خەلقىگە قاراتقان رەت قىلىش، يوقىتىش ۋە سىياسىي ئىجرا قىلىش سىياسەتلىرىنىڭ يېڭى بىر ئىپادىسى ئىكەنلىكى»نى، شۇنداقلا قانۇنسىز ۋە ئىناۋەتسىز ئىكەنلىكىنى بىلدۈردى.
مىنىستىرلىق بىرلەشكەن دۆلەتلەر تەشكىلاتىنىمۇ ئۆز ئىچىگە ئالغان خەلقئارا جەمئىيەتنى ئىسرائىلىيەنىڭ مەزكۇر «ئىرقچى ۋە قانۇنسىز قەدەملىرى»گە ئىنكاس قايتۇرۇشقا چاقىردى.
ئىسرائىلىيەنىڭ «يەدىئوت ئاخرونوت» گېزىتىنىڭ خەۋىرىگە قارىغاندا، قانۇن لايىھەسى ئىككىنچى ۋە ئۈچىنچى قېتىملىق ئوقۇشتا، 47 گە قارشى 62 ئاۋاز بىلەن قوبۇل قىلىنغان، بېلەت تاشلاشتا جەريانىدا بىر پالاتا ئەزاسى بىتەرەپ قىلىش يولىنى تاللىغان.
باش مىنىستىر بېنيامىن نېتانياھۇ قانۇننى قوللاپ ئاۋاز بەرگەن.
ئىسرائىلىيە دۆلەت بىخەتەرلىك مىنىستىرى ئىتامار بېن-گىۋىر قانۇننىڭ قوبۇل قىلىنىشىنى «تارىخىي بىر كۈن» دەپ سۈپەتلەپ، مەمنۇنلۇقىنى ئىپادىلىگەن.
