پېنتاگون 2026-يىللىق خامچوتىدا «تېررورلۇققا قارشى تۇرۇش، تەربىيەلەش ۋە قوراللاندۇرۇش فوندى» (CTEF) دائىرىسىدە سۈرىيەدىكى قوراللىق گۇرۇپپىلارنى، بولۇپمۇ ي پ گ ئاساس قىلىنغان سۈرىيە دېموكراتىك كۈچلىرىنى قوللاش ئۈچۈن 130 مىليون دوللار ئاجراتتى.
ئامېرىكا دۆلەت مۇداپىئە مىنىستىرلىكىنىڭ 2026-يىللىق خامچوتىغا ئائىت چۈشەندۈرۈش ھۆججىتىگە قارىغاندا، بۇ فوند ئامېرىكا قوللايدىغان س د ك ۋە سۈرىيەنىڭ شەرقىي جەنۇبىغا جايلاشقان سۈرىيە ئەركىن ئارمىيەسى، شۇنداقلا ئىراق ۋە لىۋاندىكى «ئىشەنچلىك ھەمكارلاشقۇچى كۈچلەر» نىڭ تەربىيەلىنىشى، جابدۇقلىرى ۋە ئايلىق مائاشلىرغا ياردەم بېرىشنى مەقسەت قىلىدۇ.
ئاجرىتىلغان خامچوتنىڭ يېنىك تىپتىكى قوراللار شۇنداقلا داۋالاش بۇيۇملىرى ۋە ئەسلىھەلەرنى رېمونت قىلىشنىمۇ ئۆز ئىچىگە ئالىدىغانلىقى بىلدۈرۈلگەن بۇ ھۆججەتتە، دائېشنىڭ «قايتا جانلىنىشىنىڭ ئامېرىكانىڭ دۆلەت مەنپەئەتى، ئىراق، سۈرىيە، لىۋان خەلقى ۋە يەرشارى جامائىتى ئۈچۈن بىر تەھدىت ئېلىپ كېلىدىغانلىقى» ئىپادىلەندى.
ي پ گ، تۈركىيە، ئامېرىكا ۋە ياۋروپا ئىتتىپاقى تەرىپىدىن تېررورلۇق تەشكىلاتى دەپ ئېتىراپ قىلىنغان پ ك ك نىڭ سۈرىيەدىكى گۇماشتىسىدۇر.
پ ك ك / ي پ گ تېررورلۇق تەشكىلاتىغا ئەڭ چوڭ ئۈلۈش ئاجرىتىلدى
پېنتاگوننىڭ 2026-يىللىق خامچوتىدا سۈرىيە ئۈچۈن ئاجرىتىلغان 130 مىليون دوللارنىڭ 7.42 مىليون دوللىرى سۈرىيە ئەركىن ئارمىيەسىگە تەقسىم قىلىنغان بولۇپ، ھۆججەتتە بۇ كۈچنىڭ «بادىيە چۆللۈكىدىكى دائېش قالدۇقلىرىغا قارشى تەسىرىنى كېڭەيتىشى» كۈتۈلىدىغانلىقى بىلدۈرۈلگەن.
لېكىن، فوندنىڭ زور كۆپ قىسمى س د ك گە يۆتكەلدى.
بۇ ئەڭ يېڭى مەبلەغ، ۋاشىنگتوننىڭ 2025-يىلى 147.9 مىليون دوللار ۋە 2024-يىلى 156 مىليون دوللار ئاجراتقان مۇشۇنىڭغا ئوخشاش گۇرۇپپىلارغا قىلىنغان ياردەملەرگە قوشۇلدى. بۇ ياردەملەر، تۈركىيە ئۇزۇندىن بۇيان چېگراسىدىكى تېررورلۇق ئۇنسۇرلارنى قوراللاندۇرۇشنىڭ باھانىسى دەپ قاراۋاتقان «دائېشقا قارشى كۈرەش» باھانىسىنى ئىقتىساد بىلەن تەمىنلەنمەكتە.
تۈركىيە، ئامېرىكا ۋە ياۋروپا ئىتتىپاقى تەرىپىدىن تېررورلۇق تەشكىلاتى دەپ ئېتىراپ قىلىنغان پ ك ك، 40 يىلدىن ئارتۇق داۋام قىلغان تېررورلۇق ھەرىكىتىدە پۇقرالار، ئاياللار ۋە كىچىك بالىلارنى قوشقاندا جەمئىي 40 مىڭدىن ئارتۇق كىشىنىڭ جېنىغا زامىن بولغان ئىدى.
تۈركىيە، پ ك ك / ي پ گ نىڭ ھەرقانداق نام ئاستىدا قوراللاندۇرۇلۇشىنىڭ تېررورلۇققا بىۋاسىتە ياردەم بېرىش دېگەنلىك ئىكەنلىكىنى ئىلگىرى سۈرمەكتە.
