بىرلەشكەن دۆلەتلەر تەشكىلاتى پاناھلانغۇچىلار ئالىي كومىسسارى بارھام سالىھ توقۇنۇش، زوراۋانلىق، زۇلۇم ۋە خەۋپسىزلىككە قارىتىلغان باشقا تەھدىتلەر سەۋەبىدىن 117 مىليوندىن ئارتۇق كىشىنىڭ يۇرت-ماكانىدىن ئايرىلغان ھالەتتە ئىكەنلىكىنى بىلدۈردى.
سالىھ نيۇ-يوركتا ب د ت خەۋپسىزلىك كېڭىشىگە مەلۇمات بەردى.
توقۇنۇش، زوراۋانلىق، زۇلۇم ۋە خەۋپسىزلىككە قارىتىلغان تەھدىتلەر سەۋەبىدىن 117 مىليوندىن ئارتۇق كىشىنىڭ يۇرت-ماكانىدىن ئايرىلغان ھالەتتە ئىكەنلىكىنى ئۇقتۇرغان سالىھ، توقۇنۇشلارنىڭمۇ كۆپىيىۋاتقانلىقى تەرەپكە دىققەتلەرنى تارتتى.
سالىھ توقۇنۇشلارنىڭ شۇنىڭ بىلەن بىر ۋاقىتتا تېخىمۇ ئۇزۇن مۇددەتلىك ھالەتكە كەلگەنلىكىگە ۋە سىياسىي ھەل قىلىش چارىسى تېپىلمىغانلىقىغا ئىشارەت قىلىپ: «ۋاقىتلىق بولۇشىنى ئۈمىد قىلغان بىر كىرىزىس سەۋەبىدىن ئۆيلىرىنى تاشلاپ كەتكەن مىليونلىغان ئىنسان، ئۆزلىرىنىڭ يىللارچە، ھەتتا بەزىدە نەسىللەر بويىچە يۇرت-ماكانىدىن ئايرىلغان ھالەتتە قالغانلىقىنى كۆرۈلمەكتە» دېگەن سۆزلەرنى ئىشلەتتى.
بۇنىڭ پەقەتلا بىر ئىنسانىيلىق مەسىلىسى ئەمەسلىكىنى تەكىتلىگەن سالىھ: «تۈپ جەھەتتىن ئالغاندا بۇ خەلقئارانىڭ تىنچلىقىغا ۋە خەۋپسىزلىكىگە بىر خىرىستۇر» دېدى.
