تۈركىيە تاشقى ئىشلار مىنىستىرلىقىنىڭ جۈمە كۈنى ئېلان قىلىنغان باياناتىدا، ئىران تەرەپتىن قويۇپ بېرىلگەن ۋە تۈركىيە ھاۋا تەۋەلىكىگە كىرگەن بىر باللىستىك باشقۇرۇلىدىغان بومبىنىڭ «ئاقدېڭىزنىڭ شەرقىگە ئورۇنلاشتۇرۇلغان ناتو ھاۋا ۋە باشقۇرۇلىدىغان بومبا مۇداپىئە قىسىملىرى تەرىپىدىن بىر تەرەپ قىلىنغانلىقى» بىلدۈرۈلدى. بۇ بىر ھەپتىدىن سەل كۆپرەك ۋاقىت ئىچىدە يۈز بەرگەن مۇشۇ خىلدىكى ئۈچىنچى قېتىملىق ۋەقە ھېسابلىنىدۇ.
مىنىستىرلىقنىڭ رەسمىي باياناتىدا مۇنداق دېيىلدى:
«ئېلىمىزنىڭ زېمىنى ۋە ھاۋا تەۋەلىكىگە قارىتىلغان ھەرقانداق تەھدىتكە قارشى زۆرۈر بولغان بارلىق تەدبىرلەر قەتئىيلىك بىلەن ۋە ئىككىلىنىپ ئولتۇرماستىن قوللىنىلماقتا؛ ۋەقەنىڭ بارلىق تەپسىلاتلىرىنى ئايدىڭلاشتۇرۇش ئۈچۈن مەزكۇر دۆلەت بىلەن سۆھبەت ئۆتكۈزۈلمەكتە.
مىللىي بىخەتەرلىكىمىز ئالدىنقى ئورۇنغا قويۇلغان ھالدا، رايوندىكى بارلىق ئۆزگىرىشلەر ئەستايىدىللىق بىلەن تەقىب قىلىنماقتا ۋە كۆزىتىلمەكتە.»
