ھۇجۇم ئېلان قىلىنغان ئۇرۇش توختىتىش كېلىشىمىگە قارىماي بىر ئات فېرمىسىدا مەيدانغا كەلدى.
يەرلىك مەنبەلەر ي پ گ تېررورلۇق تەشكىلاتىنىڭ سۈرىيەنىڭ شەرقىي جەنۇبىدىكى ھاسەكە ۋىلايىتىدە ئېلىپ بارغان ئۇچقۇچىسىز ھاۋا ئاپپاراتى ھۇجۇمىدا يەتتە پۇقرانىڭ ھاياتىدىن ئايرىلغانلىقىنى، بالىلارنىمۇ ئۆز ئىچىگە ئالغان نۇرغۇن كىشىنىڭ يارىلانغانلىقىنى، ھۇجۇمنىڭ ئەننەشۋە مەھەللىسىدىكى بىر ئات فېرمىسىنى نىشان قىلغانلىقىنى بىلدۈردى.
مەزكۇر ۋەقە، سۈرىيە پىرېزىدېنت مەھكىمىسىنىڭ سەيشەنبە كۈنى ي پ گ تېررورلۇق تەشكىلاتى بىلەن بىردەكلىك ھاسىل قىلغانلىقىنى ۋە بۇ دائىرىدە ھاسەكەنىڭ ئەمەلىي جەھەتتىن بىر گەۋدىلىشىشىگە قارىتىلغان يول خەرىتىسى ئۈستىدە خىزمەت ئىشلەش ئۈچۈن ي پ گ گە تۆت كۈنلۈك مۆھلەت بېرىلگەنلىكىنى، بۇ جەرياندا ئۇرۇش توختىتىشنىڭ كۈچكە ئىگە بولىدىغانلىقىنى ئېلان قىلىشىدىن كېيىن يۈز بەردى.
ي پ گ تۈركىيە، ئامېرىكا، ئەنگلىيە ۋە ياۋروپا ئىتتىپاقى تەرىپىدىن تېررورلۇق تەشكىلاتى دەپ قوبۇل قىلىنغان پ ك ك نىڭ سۈرىيەدىكى گۇماشتىسى ھېسابلىنىدۇ.
