پاكىستان ئارمىيەسى غەربىي شىمالدا ئارمىيەگە قاراشلىق ھەربىي مەكتەپكە قىلىنغان ھۇجۇمدىن كېيىن، بەش پاكىستان تالىبان ئەزاسىنى ئېتىپ ئۆلتۈردى. بۇلارنىڭ ئىچىدە بىر ئادەم بومبىمۇ بار.بىر بىخەتەرلىك خادىمىنىڭ دېيىشىچە، تېررورچىلار 2014-يىلدىكى پېشاۋۇردىكى مەكتەپ ھۇجۇمىنى تەكرارلاشقا ئۇرۇنغان، ئەمما بىخەتەرلىك كۈچلىرى بۇ پاجىئەنىڭ ئالدىنى ئالغان.نام-شەرىپىنى ئاشكارىلاشنى خالىمىغان بىر بىخەتەرلىك خادىمى ھەربىي ھەرىكەتلەرنىڭ چارشەنبە (12-نويابىر) كۈنى ئاخىرلاشقانلىقىنى، دائىرىلەرنىڭ مەكتەپ بىناسىنى ئورۇنلاشتۇرۇپ قويۇش ئېھتىمالى بولغان پارتلاتقۇچلاردىن تازىلاۋاتقانلىقىنى بىلدۈردى.دۈشەنبە (10-نويابىر) كۈنى، ئافغانىستان چېگراسىغا يېقىن جەنۇبىي ۋەزىرىستان رايونىغا جايلاشقان ۋانا شەھىرىدىكى ھەربىي مەكتەپ ھۇجمغا ئۇچرىدى. تېررورچىلار ئاپتوموبىل بومبىنى مەكتەپنىڭ دەرۋازىسىغا سوقۇپ پارتلاتتى.ئىككى تېررورىست (بىرى ئادەم بومبا) مەكتەپ دەرۋازىسى ئالدىدا ئېتىپ ئۆلتۈرۈلدى، قالغان ئۈچ تېررورىست مەكتەپكە بېسىپ كىردى.نام-شەرىپىنى ئاشكارىلىمىغان بىخەتەرلىك خادىمى مۇنداق دېدى:«بىخەتەرلىك كۈچلىرى ئوقۇتقۇچى-ئوقۇغۇچى ۋە باشقا كىشىلەر بولۇپ 600 دىن ئارتۇق كىشىنى قۇتقۇزدى. ئاندىن مەكتەپنىڭ مەمۇرىي بۆلۈمىدە قورشاۋدا قالغان تېررورچىلارغا قارشى ھەرىكەت باشلىدى» دېدى.پاكىستان ئارمىيەسىنىڭ بىلدۈرۈشىچە، بۇ ھۇجۇم «فىتنە ئال خاۋارىج» قا چېتىشلىق تېررورچىلار تەرىپىدىن سادىر قىلىنغان بولۇپ، ئىسلامئاباد «تەھرىقى تالىبان پاكىستان»(TTP) نى «فىتنە ئال خاۋارىج» دەپ ئاتايدىغانلىقىنى ۋە بۇلارنى «ئافغانىستاندىكى خوجايىنلىرى» نىڭ قوللايدىغانلىقىنى بىلدۈرگەن.بىخەتەرلىك خادىمىنىڭ دېيىشىچە، تېرورچىلار 2014-يىلدىكى پېشاۋۇردىكى مەكتەپ ھۇجۇمىنى تەكرارلاشقا ئۇرۇنغان، ئەمما بىخەتەرلىك كۈچلىرى بۇ پاجىئەنىڭ ئالدىنى ئالغان.2014-يىلى 16-دېكابىر، ئالتە نەپەر «تەھرىقى تالىبان پاكىستان» ئەزاسى خەيبەر پاختۇنخۇا ئۆلكىسىنىڭ پايتەختى پېشاۋۇردىكى ھەربىي مەكتەپكە بېسىپ كىرىپ، 130 دىن ئارتۇق ئوقۇغۇچىنى ئۆز ئىچىگە ئالغان 150 ئەتراپىدىكى ئادەمنى ئۆلتۈرگەن ئىدى.«تەھرىقى تالىبان پاكىستان» نىڭ «خەلىپە مەنسۇر» گۇرۇھى بۇ ھۇجۇمنىڭ جاۋابكارلىقىنى ئۈستىگە ئالغان ئىدى. مەنسۇر 2017-يىلى ئۆكتەبىردە ئافغانىستاننىڭ شەرقىدە ئامېرىكانىڭ ئۇچقۇ ھۇجمىدا ھۇجۇمىدا ئۆلتۈرۈلدى.ئىسلامئاباد ئافغانىستاننى «تەھرىقى تالىبان پاكىستان» غا پاناھلىق بېرىش بىلەن ئەيىبلەيدۇ.«تەھرىقى تالىبان پاكىستان» يېقىنقى يىللاردىن بۇيان پاكىستان ئىچىدە چېگرا ھالقىغان ھۇجۇملىرىنى كۈچەيتمەكتە.
