فىرانسىيە پىرېزىدېنتلىق مەھكىمىسىنىڭ فىرانسىيە خەۋەر ئاگېنتلىقىغا بەرگەن ئۇچۇرىغا ئاساسلانغاندا، فىرانسىيە پىرېزىدېنتى ئېممانۇئېل ماكرون سۈرىيە پىرېزىدېنتى ئەھمەد شارا (شەرئ)نى كۈتۈۋالىدىغان بولۇپ، بۇ زىيارەت سۈرىيە رەھبىرىنىڭ ياۋروپاغا قىلغان تۇنجى زىيارىتى بولۇپ ھېسابلىنىدۇ.

فىرانسىيە پىرېزىدېنتلىق مەھكىمىسىنىڭ سەيشەنبە كۈنى ئەتىگەندە ئېلان قىلغان باياناتىدا، ماكروننىڭ «فىرانسىيەنىڭ يېڭى بىر سۈرىيەنى، يەنى ئەركىن، مۇقىم، ئىگىلىك ھوقۇقلۇق ۋە سۈرىيە جەمئىيىتىنىڭ بارلىق تەركىبىي قىسىملىرىغا ھۆرمەت قىلىدىغان بىر سۈرىيەنى قۇرۇپ چىقىشنى قوللايدىغانلىقى»نى قايتا تەكىتلەيدىغانلىقى بىلدۈرۈلدى.