ئىسرائىلىيە تاراتقۇلىرىغا ئاساسلانغاندا، ئىسرائىلىيە پىرېزىدېنتى ئىسھاق ھېرزوگنى توشىغان ئايروپىلان، ئىككى كۈنلۈك قازاقىستان زىيارىتى ئۈچۈن تۈركىيە ھاۋا ساھەسىنى ئىشلىتىشتىن قاچقان. قازاقىستانغا يېتىپ بېرىش ئۈچۈن سەككىز سائەتلىك بىر لىنىيەنى بېسىپ ئۆتكەن.
ئىسرائىلىيەدە ئاڭلىتىش بېرىدىغان كەنال 12 نىڭ خەۋىرىگە قارىغاندا، ئايروپىلان تۈركىيە ھاۋا ساھەسىگە كىرىشتىن قاچىش ئۈچۈن ياۋروپا ۋە رۇسىيە ئارقىلىق باشقا بىر لىنىيەنى تاللىغان. ئۇچۇش ۋاقتى سەككىز سائەتكە ئۇزارغان.
ھېرزوگ X ھېسابىدىن ئېلان قىلغان يازمىسىدا ئاستانىغا قونغانلىقىنى جەزملەشتۈردى.
تۈركىيە 2024-يىلى نويابىردا، ھېرزوگنىڭ باكۇدىكى COP29 يىغىنىغا بېرىشى ئۈچۈن ھاۋا ساھەسىنى ئىشلىتىشىگە رۇخسەت بەرمىگەن ئىدى ۋە ھېرزوگمۇ «بىخەتەرلىك ئەندىشىلىرى» نى باھانە قىلىپ زىيارىتىنى ئەمەلدىن قالدۇرغان ئىدى.
ئىسرائىلىيەنىڭ غەززەگە قارىتىلغان قىرغىنچىلىق ئۇرۇشى سەۋەبىدىن، تۈركىيە بىلەن ئىسرائىلىيە ئوتتۇرىسىدىكى مۇناسىۋەتلەر ناچارلاشقان بولۇپ، بۇ ئۇرۇش كېيىنچە لىۋان ۋە ئىراننىمۇ ئۆز ئىچىگە ئالىدىغان شەكىلدە كېڭەيدى.
