فىنلاندىيەنىڭ «YLE» ئاگېنتلىقىنىڭ خەۋىرىگە قارىغاندا، فىنلاندىيە ھۆكۈمىتى ئىسرائىلىيە بىلەن بولغان مۇداپىئە ھەمكارلىقىنىڭ مۇددىتىنى 2024-يىلى مەخپىي ھالدا 10 يىللىق ئۇزارتقان. بۇ كېلىشىم مۇداپىئە تەتقىقاتى، ھەربىي ئەسلىھە تەمىناتى ۋە مۇداپىئە سانائىتى ھەمكارلىقىنى ئۆز ئىچىگە ئالىدۇ. ئۆكتىچى پارتىيەلەر غەززەدە ئىرقىي قىرغىنچىلىق بولۇۋاتقان بىر مەزگىلدە بۇنداق بىر قارارنىڭ يوشۇرۇن چىقىرىلىشىغا قاتتىق نارازىلىق بىلدۈردى. يېشىللار پارتىيەسىنىڭ رەئىسى سوفىيە ۋىرتا بۇ قارارنى «تارىخىي نۇمۇس» دەپ ئەيىبلىدى. فىنلاندىيە دۆلەت مۇداپىئە مىنىستىرى ئەنتى خاككانېن بولسا، بۇنىڭ ئادەتتىكى بىر مۇساپە ئىكەنلىكىنى ئىلگىرى سۈرۈپ ئۆزىنى ئاقلىدى.