ئىران تاشقى ئىشلار مىنىستىرلىقى بايانات ئېلان قىلىپ، باش ئەلچى ئەنەزىگە «كۈچلۈك نارازىلىقنى ئۆز ئىچىگە ئالغان نارازىلىق ئۇلتىماتومى»نىڭ تاپشۇرۇلغانلىقىنى بىلدۈردى. باياناتتا يەنە، «ئەلچىخانىغا ئالدىن ئۇقتۇرماي تۇرۇپ ئۆلۈم جازاسىنىڭ ئىجرا قىلىنىشى قەتئىي قوبۇل قىلىنمايدۇ ۋە بۇ قەدەم كونسۇل مۇناسىۋىتى كېلىشىمىنى ئۆز ئىچىگە ئالغان خەلقئارا قانۇنغا خىلاپ» دېگەن ئىبارىلەرگە ئورۇن بېرىلدى.
ئىگىلىنىشىچە، ئۆلۈم جازاسى ئىجرا قىلىنغان ئىرانلىقلار بىر قانچە يىل ئىلگىرى سەئۇدى ئەرەبىستان ئەدلىيە ئورگىنى تەرىپىدىن زەھەرلىك چېكىملىك ئەتكەسچىلىكى جىنايىتى بىلەن ئەيىبلىنىپ ئۆلۈم جازاسىغا ھۆكۈم قىلىنغانىكەن. بۇ جەرياندا، ئىران تاشقى ئىشلار مىنىستىرلىقى ئىزچىل تىرىشچانلىق كۆرسىتىپ، بۇ كىشىلەرنى كونسۇلخانا مۇلازىمىتى بىلەن تەمىنلىگەن ۋە جازانى يەڭگىللىتىشكە ئۇرۇنغانىكەن.
باياناتتا، تاشقى ئىشلار مىنىستىرلىقىنىڭ قانۇن ۋە كونسۇلخانا ئىشلىرى ھەيئىتىنىڭ سەئۇدى ئەرەبىستاننىڭ پايتەختى رىيادقا بېرىپ، بۇ مەسىلىنى تەكشۈرۈپ تەھقىقلەيدىغانلىقى بىلدۈرۈلدى.
سەئۇدى ئەرەبىستانغا ئوخشاش ئىراندىمۇ زەھەرلىك چېكىملىك ئەتكەسچىلىكى جىنايىتى سادىر قىلغۇچىلار ئومۇمەن ئۆلۈم جازاسىغا ھۆكۈم قىلىنىدۇ.
