خەلقئارا
2 مىنۇت ئوقۇش
ئىسرائىلىيەنىڭ غەززەدە 3 يىلدىن بۇيان داۋاملاشتۇرۇۋاتقان ئىرقىي قىرغىنچىلىقى شۋېتسىيەدە ئەيىبلەندى
نامايىشنى قوللاپ قۇۋۋەتلىگەن شۋېتسىيەلىك ئاكتىۋىست ئانىتا سالۋېن، ئانادولۇ ئاگېنتلىقى (AA) مۇخبىرىغا 3 يىلدىن بۇيان ئىسرائىلىيەگە نارازىلىق بىلدۈرۈش نامايىشلىرىغا دائىم قاتنىشىۋاتقانلىقىنى ئېيتىدى.
ئىسرائىلىيەنىڭ غەززەدە 3 يىلدىن بۇيان داۋاملاشتۇرۇۋاتقان ئىرقىي قىرغىنچىلىقى شۋېتسىيەدە ئەيىبلەندى
ئىسرائىلىيەنىڭ غەززەدە 3 يىلدىن بۇيان داۋاملاشتۇرۇۋاتقان ئىرقىي قىرغىنچىلىقى شۋېتسىيەدە ئەيىبلەندى

ئانادولۇ ئاگېنتلىقىدىن ئىگىلەنگەن خەۋەرگە ئاساسلانغاندا، شۋېتسىيەنىڭ پايتەختى سىتوكھولمدا، ئىسرائىلىيەنىڭ غەززەدە 3 يىلدىن بۇيان داۋاملاشتۇرۇۋاتقان ئىرقىي قىرغىنچىلىقىنى نامايىش بىلەن ئەيىبلەش ۋە پەلەستىندە يۈز بېرىۋاتقان ۋەقەلەرگە دىققەتلەرنى تارتىش مەقسىتىدە نارازىلىق يۈرۈشى ئۆتكۈزۈلگەن.

نۇرغۇن ئاممىۋى تەشكىلاتلارنىڭ چاقىرىقى بىلەن پايتەختتىكى رادمانسگاتان مەيدانىدا جەم بولغان نامايىشچىلار، ئىسرائىلىيەنىڭ رايوندا 3 يىلدىن بۇيان داۋاملىشىۋاتقان ھۇجۇملىرى ۋە كىشىلىك ھوقۇق دەپسەندىچىلىكلىرىنى قاتتىق ئەيىبلىدى.

«غەززەدە پۇقرالار ئۆلتۈرۈلمەكتە»، «مەكتەپلەر ۋە دوختۇرخانىلار بومباردىمان قىلىنماقتا»، «لىۋانغا قىلىنغان ھۇجۇملار توختىتىلسۇن»، ۋە «ئۇرۇش خالىمايمىز» دەپ يېزىلغان پىلاكاتلارنى كۆتۈرۈپ چىققان نامايىشچىلار، ئىسرائىلىيەگە قارشى شۇئارلارنى توۋلىدى. نامايىشچىلار، ھۇجۇملاردا ھاياتىدىن ئايرىلغان پەلەستىنلىكلەرنى خاتىرىلەش ئۈچۈن سىمۋول سۈپىتىدە 3 تابوت كۆتۈرۈپ ماڭدى.

 

«ئادەتتىكى كىشىلەر پىكىر ئۆزگەرتىشكە باشلىدى»

نامايىشنى قوللاپ قۇۋۋەتلىگەن شۋېتسىيەلىك ئاكتىۋىست ئانىتا سالۋېن، ئانادولۇ ئاگېنتلىقى مۇخبىرىغا 3 يىلدىن بۇيان ئىسرائىلىيەگە نارازىلىق بىلدۈرۈش نامايىشلىرىغا دائىم قاتنىشىۋاتقانلىقىنى ئېيتتى.

غەززەدە يۈز بېرىۋاتقان ۋەقەلەرنىڭ چوڭ بىر ئىنسانىي پاجىئە ئىكەنلىكىنى تەكىتلىگەن سالۋېن، يەنە مۇنداق دېدى:

«ئۇ يەردە ۋەھشىيلەرچە بىر قەتلىئام داۋاملاشماقتا. مەكتەپ يوق، سۇ يوق، يېمەكلىك يوق. كىشىلەرنى ئېتىپ ئۆلتۈرۈشتىن باشقا يەنە ئاچارچىلىققا مەھكۇم قىلماقتا. بۇ ناھايىتى دەھشەتلىك بىر نەرسە. بۇنىڭ مۇشۇ شەكىلدە داۋاملىشالىشى تولۇق مەنىدىن بىر پاجىئەدۇر. ئىسرائىلىيە باش مىنىستىرى (بىنيامىن) نېتانياھۇ خەلقئارالىق سوت ئورگىنى تەرىپىدىن ئەيىبلەنگەن بولۇشىغا قارىماي پۈتكۈل بۇ ئىشلارنىڭ تېخىچە داۋاملىشىشى غەرب دۇنياسىدىكى سىياسەتچىلەرنىڭ قىلمىشىدۇر.»

سالۋېن بىرلەشكەن دۆلەتلەر تەشكىلاتى ئومۇممىي كېڭىشىدىكى نارازىلىقلار ئۈستىدىمۇ توختىلىپ: «نېتانياھۇ ب د ت دە سۆز قىلىۋاتقاندا نۇرغۇن دۆلەت ۋەكىللىرىنىڭ زالدىن چىقىپ كېتىشى مۇھىم بىر پوزىتسىيە ئىدى. بارغانسېرى كۆپ دۆلەتلەر پەلەستىننى قوللىماقتا. بىر يىل بۇرۇن ئىسرائىلىيەنى قوللىغان نۇرغۇن ئادەتتىكى كىشىلەرنىڭ "ئەمدى بۇ قەدەر يەتتىمۇ؟ يەتتى" دەپ پىكىر ئۆزگەرتكەنلىكلىرىنى كۆرۈۋاتىمەن» دېدى.

شۋېتسىيە ھۆكۈمىتىنىڭ پوزىتسىيەسىنى ئەيىبلىگەن سالۋېن: «ئەڭ يامىنىمۇ بىز ياشاۋاتقان دۆلەت بولغان شۋېتسىيەنىڭ بۇ ئىرقىي قىرغىنچىلىقنى ئوچۇق-ئاشكارە ئەيىبلىمەسلىكىدۇر. بۇ ئەھۋال پۈتكۈل غەرب دۇنياسى ئۈچۈن ئورتاق بولسىمۇ، شۋېتسىيەدە ياشاۋاتقان بىز ئۈچۈن ھەقىقەتەن نومۇس قىلارلىق بىر پاجىئەدۇر» دېدى.

ئىزدىنىڭ
كۈندىلىك قىسقا خەۋەرلەر | 17.11.2026
كۈندىلىك قىسقا خەۋەرلەر 16 - نويابىر دۈشەنبە
تۈركىيە پەلەستىن دۆلىتى قۇرۇلغانلىقىنىڭ 38 - يىللىقىنى تەبرىكلىدى
ئىران فىرانسىيەنى ئىسرائىلىيەنىڭ «ساختا بايراق» (سۇيىقەست) تۇزىقىغا چۈشۈپ قالماسلىققا چاقىرىدى
ئامېرىكا خەزىنە مىنىستىرى جېنسېن خۇاڭ جاسۇسلۇق سەتچىلىكى مەسىلىسىدە سودا مىنىستىرلىقىنى تەنقىد قىلدى
ئېيسېنكات نېتانياھۇنى بىرلىكتە ھۆكۈمەت قۇرۇش چاقىرىقى ئارقىلىق «ھىيلە ئىشلىتىش» بىلەن ئەيىبلىدى
غەززەدە ئومۇمىي قازا قىلغانلار سانى 74 مىڭ 695 كە يەتتى
ئامېرىكا ئەمەلدارلىرىنىڭ بىخەتەرلىك تەدبىرلىرى كۈچەيتىگەنلىكى ئىلگىرى سۈرۈلمەكتە
پۇتىن، شى جىنپىڭ ۋە تىرامپ 19-نويابىردا شېنجېندا ئۈچ تەرەپلىك ئۇچرىشىش ئۆتكۈزىدۇ
تۈركىيە بىلەن قاتار رەھبەرلىرىنىڭ ئىستانبۇلدىكى ئۇچرىشىشىدا تارىخىي مۇداپىئە كېلىشىمى ئىمزالىدى
رۇسىيە ياۋروپانىڭ ئۇكرائىنا سۆھبىتىگە قاتنىشىشىنى «سەمىمىي بولۇش» شەرتىگە باغلىدى
مىكروسوفت يەر شارى خاراكتېرلىك تېخنىكىلىق كاشىلا سەۋەبىدىن ئەپۇ سورىدى
ئەردوغان COP31 يىغىنىدا سەككىز دۆلەت رەھبىرى بىلەن كۆرۈشتى
گېرمانىيە ئۇكرائىناغا 200 مىليون ياۋرو قىشلىق ياردەم بېرىدۇ
رۇسىيەنىڭ ۋولگوگراد شەھىرىدە  يۈز بەرگەن ئۇچقۇچىسىز ھاۋا ئاپپاراتى ھۇجۇمىدا 4 كىشى ئۆلدى