مىللىي ئىستىخبارات ئىدارىسىنىڭ تېررورلۇق تەشكىلاتى دائېشقا قارىتا ئېلىپ بارغان ھەرىكىتىدە، تەشكىلاتنىڭ ئاتالمىش تۈركىيە ئۆلكىسى قۇرۇلمىسىدا پائالىيەت قىلغان ۋە سېرىق رەڭلىك تۇتۇش بۇيرۇقى چىقىرىلغان «ئابدۇسسالام تۈركى» تەخەللۇسلۇق تالىپ گۈلەر قولغا ئېلىنىپ تۈركىيەگە ئېلىپ كېلىندى.

دۆلەت خەۋپسىزلىك كۈچلىرىدىن ئىگىلەنگەن مەلۇماتلارغا قارىغاندا، مىللىي ئىستىخبارات ئىدارىسى دائېش تېررورلۇق تەشكىلاتىنىڭ «فارۇق ئىشخانىسى» دەپ ئاتىلىدىغان تۈركىيە ئۆلكىسى قۇرۇلمىسىغا قارىتا ھەرىكەت ئېلىپ بارغان.

ئېلىپ بېرىلغان ئىستىخبارات خىزمەتلىرى نەتىجىسىدە، «ئابدۇسسالام تۈركى» تەخەللۇسلۇق تالىپ گۈلەرنىڭ، 2021-يىلىدىن ئىلگىرى دائېشنىڭ ئاتالمىش «تۈركىيە ئۆلكىسى مەسئۇلى» ۋە «فارۇق ئىشخانىسى» نىڭ ئاتالمىش مالىيە مەسئۇلى سۈپىتىدە پائالىيەت قىلغان ھەمدە 2021-يىلى ئېلىپ بېرىلغان ھەرىكەتتە تۈركىيەگە ئېلىپ كېلىنگەن قاسىم گۈلەرنىڭ ئىنىسى ئىكەنلىكى ئېنىقلاپ چىقىلدى.

ئېلىپ بېرىلغان خىزمەتلەر نەتىجىسىدە سېرىق رەڭلىك تۇتۇش بۇيرۇقىغا ئاساسەن ئىزدىلىۋاتقان تالىپ گۈلەرنىڭ 2014-يىلى يانۋار ئېيىدا قانۇنسىز يوللار بىلەن سۈرىيەگە ئۆتكەنلىكى بېكىتىلدى. گۈلەرنىڭ سۈرىيەدىكى پائالىيەتلىرىنى ئاساسلىقى ئاكىسى قاسىم گۈلەر بولۇپ، تەشكىلات مەسئۇللىرى بىلەن ئالاقە قىلغان ھالدا ئېلىپ بارغانلىقى ئېنىقلاندى.

تېررورلۇق تەشكىلاتى دائېشنىڭ ئاتالمىش «تۈركىيە ئۆلكىسى مەسئۇلى» قاسىم گۈلەر قولغا ئېلىنغاندىن كېيىن، مىللىي ئىستىخبارات ئىدارىسى ئۇنىڭ ئىنىسى تالىپ گۈلەرگە قارىتا خىزمەتلىرىنى تېخىمۇ چوڭقۇرلاشتۇرۇپ، پائالىيەتلىرىنى قەدەممۇقەدەم تەقىب ئاستىغا ئالغان تېررورچىنىڭ توقۇنۇش رايونلىرىدىن تۈركىيەگە ئېلىپ كېلىنىشىنى كاپالەتكە ئىگە قىلدى.

تۈركىيەگە ئېلىپ كېلىنگەن تالىپ گۈلەر بەرگەن باياناتىدا تەشكىلات نامىدىن ئېلىپ بارغان پائالىيەتلىرىنى ئېتىراپ قىلدى.

گۈلەر باياناتىدا تۈركىيەدىكى رادىكاللىشىش جەريانى، قانۇنسىز يوللار بىلەن سۈرىيەگە ئۆتۈشى، دائېشقا قاتنىشىشى ۋە ئىلگىرى ئاتالمىش مالىيە مەسئۇلى سۈپىتىدە ۋەزىپە ئۆتىگەن ئاكىسى قاسىم گۈلەر بىلەن بىرلىكتە تەشكىلات ئىچىدە ئېلىپ بارغان پائالىيەتلىرىگە ئائىت تەپسىلاتلارنى سۆزلەپ بەردى.

مىللىي ئىستىخبارات ئىدارىسى تەرىپىدىن ئېلىپ بېرىلغان بۇ خىزمەتلەر نەتىجىسىدە، تېررورلۇق تەشكىلاتى دائېشنىڭ تۈركىيەگە قارىتا ئېلىپ بارماقچى بولغان ھەرىكەت پىلانلىرىنىڭ توسۇپ قېلىنىشى، تەشكىلاتنىڭ ئەزا توپلاش سىستېمىسىنىڭ پاش قىلىنىشى ۋە ھەرىكەت پىلانلىرىنىڭ قولغا چۈشۈرۈلۈشى پائالىيەتلىرىنىڭ قەتئىيلىك بىلەن داۋاملىشىدىغانلىقى بىلدۈرۈلدى.