ترامپ ئامېرىكا مەركىزىي بانكىسىنىڭ رەئىسى جېرومې پاۋېلنى ۋەزىپىدىن بوشىتىش نىيىتى يوقلۇقۇنى بىلدۈردى، ئەمما ئۆسۈم نىسبىتىنى تۆۋەنلىتىش مەسىلىسىدە جېرومې پاۋېلغا بېسىم قىلىشنى داۋاملاشتۇردى.
ئۇ، سەيشەنبە كۈنى ئوۋال ئىشخانىسىدا ژۇرنالىستلارغا بەرگەن باياناتىدا مۇنداق دېدى:
«ئۇنى ۋەزىپىدىن بوشىتىش نىيىتىم يوق. ئۆسۈم نىسبىتىنى تۆۋەنلىتىش مەسىلىسىدە ئۇنىڭ بىرئاز تېخىمۇ پائال بولۇشىنى ئۈمىد قىلىمەن.»
بۇنىڭ ئۆسۈم نىسبىنى تۆۋەنلىتىشنىڭ ناھايىتى ياخشى پەيتى ئىكەنلىكىنى ئېيتقان ترامپ، بۇنداق بىر ھەرىكەتنىڭ ئىنتايىن مۇھىم بولمىسىمۇ، ئەمما ئىقتىسادىي مەسىلىلەردە مۇھىم رول ئوينايدىغانلىقىنى تەكىتلەپ مۇنداق دېدى:
«ئەگەر ئۇ بۇنداق قىلمىسا، بۇ ئۇنىڭ ئۈچۈن ئىشتىن بوشىتىلىش بولامدۇ؟ ياق، ھەرگىزمۇ ئۇنداق بولمايدۇ. لېكىن بۇ ھازىرقى ئەھۋالدا ناھايىتى ياخشى ئىش بولاتتى.»
ترامپ ئۆسۈم نىسبىتىنى تۆۋەنلىتىشنىڭ سەۋەبىنىڭ بولۇپمۇ يېقىندىن بۇيان ئېنېرگىيە ۋە دۇكان مەھسۇلاتلىرىدىكى مال باھالىرىنىڭ تۆۋەنلىشى ئىكەنلىكىنى ئەسكەرتىپ مۇنداق دېدى:
«بىردىنبىر تۆۋەنلىمىگەن نەرسە — ئەمما كۆپمۇ ئۆسمىگەن نەرسە — ئۆسۈم نىسبەتلىرى بولدى، بىز ئامېرىكا مەركىزىي بانكىسى ئۆسۈم نىسبىتىنى تۆۋەنلىتىشى كېرەك دەپ قارايمىز.
مەركىزىي بانكىسى رەئىسىمىزنىڭ كېچىكىپ كېتىشتىنمۇ كۆرە بالدۇرراق ياكى دەل ۋاقتىدا ھەرىكەتكە ئۆتۈشىنى ئۈمىد قىلىمىز.»
خىتاي – ئامېرىكا سودا ئۇرۇشى
ترامپ خىتاي بىلەن ئامېرىكا ئوتتۇرىسىدا ئوتتۇرىغا چىققان سودا جىددىيچىلىكى توغرىسىدا توختالغاندا، خىتاي ماللىرىغا قويۇلغان % 145 لىك تاموژنا بېجى نىسبىتىنىڭ «كۆرۈنەرلىك» تۆۋەنلەيدىغانلىقىنى، ئەمما «نۆلگە چۈشمەيدىغانلىقىنى ئەسكەرتىپ مۇنداق دېدى:
«خىتاي بىلەن قاتتىق ھەپىلىشىمەن. بىز ئىنتايىن دوستانە بولىمىز، ئۇلارمۇ ئىنتايىن دوستانە بولىدۇ، نېمە بولىدىغانلىقىنى كۆرىمىز.
ئاخىرىدا ئۇلار كېلىشىم تۈزۈشكە مەجبۇر، بولمىسا ئامېرىكادا سودا قىلالمايدۇ. شۇڭا، بىز ئۇلارنىڭ سودا ئىشلىرىغا داخىل بولۇشىنى خالايمىز، لېكىن ئۇلارمۇ، باشقا دۆلەتلەرمۇ كېلىشىم تۈزۈشكە مەجبۇر، ئەگەر ئۇلار كېلىشىم تۈزمىسە، بىز كېلىشىمنى بەلگىلەيمىز.»
