ھىندونېزىيەنىڭ ئاناك كراكاتاۋ ئارىلىدىكى يانار تاغدا يۈز بەرگەن پارتلاشتىن كېيىن، ۋولقان كۈللىرىنىڭ دۆلەتنىڭ ھەرقايسى رايونلىرىغا تارقىلىشى بىلەن دۆلەت مىقياسىدا 1500 دىن ئارتۇق ئايروپىلان سەپىرى توختىتىلدى. ھىندونېزىيە مېتېئورولوگىيە، كىلىمات ۋە گېئوفىزىكا ئىدارىسىنىڭ بىلدۈرۈشىچە، ۋولقان كۈللىرى سۇماترا رايونىدا 15 مىڭ مېتىر ئېگىزلىككىچە كۆتۈرۈلگەن.
پارتلاشتىن كېيىن، دۆلەت ئىچى ۋە خەلقئارا لىنىيە بويىچە جەمئىي 1558 ئايروپىلان سەپىرى ئەمەلدىن قالدۇرۇلغان، سەككىز ئايرودۇرۇمدا 170 مىڭدىن ئارتۇق يولۇچى قاپسىلىپ قالغان.
تەۋسىيە
ھىندونېزىيە قاتناش مىنىستىرى دۇدى پۇرۋاگانكى، ۋولقان كۈللىرىنىڭ غەربىي جاۋاغا قاراپ كېڭىيىشى سەۋەبىدىن بەزى ئايرودۇرۇملارنى ۋاقىتلىق تاقاش قارارى چىقارغانلىقلىرىنى ئۇقتۇردى.
