ۋلادىمىر پۇتىن دۆلىتىدىكى تېلېۋىزىيە ۋە رادىيولاردا ئورتاق تارقىتىلغان - ئاڭلىتىلغان يىللىق ئاخبارات ئېلان قىلىش يىغىنى ھەمدە «بىۋاسىتە لىنىيە» شەكلىدىكى بىرلەشمە پىروگراممىدا مۇخبىرلار بىلەن خەلقنىڭ سوئاللىرىغا جاۋاب بەردى.
ئۇ، ئۇكرائىنا بىلەن ئۆتكۈزۈلگۈسى تىنچلىق سۆھبىتى ھەققىدە مۇنداق دېدى:
«ھېچقانداق ئالدىنقى شەرتىمىز يوق، شۇڭا بىز يېڭى شەرت قوشماستىن سۆھبەتلىشىشكە تەييارمىز. بىراق 2022-يىلىنىڭ ئاخىرىدا ئىستانبۇلدا ئېلىپ بېرىلغان مۇزاكىرە جەريانىدا تۈزۈلگەن كېلىشىمنىڭ ماددىلىرى ۋە بۈگۈنكى كۈندىكى ئۇرۇش مەيدانىدىكى رېئاللىق ئاساسىدا سۆھبەت ئۆتكۈزەلەيمىز.»
پۇتىن ئۇكرائىنادا پىرېزىدېنتلىق سايلىمى ئۆتكۈزۈلسە سايلانغان پىرېزىدېنت بىلەن كۆرۈشەلەيدىغانلىقىنى بىلدۈرۈپ مۇنداق دېدى:
«بۇ (ھازىرقى پىرېزىدېنت ۋولودىمىر) زېلېنسكىي ئۈچۈنمۇ كۈچكە ئىگە، ئەلۋەتتە. ئەگەر ئۇكرائىنا كىرىزىسنى راستىنلا تىنچ يول بىلەن ھەل قىلىشنى خالىسا، بۇنى قىلالايدۇ. ئۇكرائىنانىڭ قانۇنلۇق ھۆكۈمىتىگە كىم مەسئۇل بولسا شۇنىڭ بىلەن سۆھبەت ئۆتكۈزەلەيمىز.»
