جۇمھۇر رەئىس رەجەپ تاييىپ ئەردوغان «ئانىلار بايرىمى» مۇناسىۋىتى بىلەن يازما ئۇچۇر ئېلان قىلدى.
ئەردوغان ئۇچۇرىدا مۇنداق دېدى: «مېھرىبانلىقى ۋە پىداكارلىقى بىلەن ھاياتىمىزغا يۆنىلىش بەرگەن، ئائىلىمىزنىڭ ۋە جەمئىيىتىمىزنىڭ ئاساسلىق تۈۋرۈكى بولغان ئانىلىرىمىزنىڭ ئانىلار بايرىمىنى ئەڭ سەمىمىي ھېسسىياتىم بىلەن تەبرىكلەيمەن. "جەننەت ئانىلارنىڭ پۇتى ئاستىدىدۇر" دېگەن ھېكمەتنى ئۆزىگە شوئار قىلغان بۈيۈك بىر مەدەنىيەتنىڭ ئەزالىرى بولۇش سۈپىتىمىز بىلەن ئانىلارنىڭ ئەجىر-مېھنىتى ۋە تىرىشچانلىقىنى ھەر ۋاقىت بېشىمىزغا تاج قىلىمىز، ئۇلارنىڭ پاراۋانلىقى ۋە خاتىرجەملىكى ئۈچۈن خىزمەت قىلىمىز. كۈچلۈك تۈركىيەنىڭ قۇرۇلۇشىدا ئانىلىرىمىزنىڭ ئەڭ چوڭ ھەسسىدار ئىكەنلىكىنى بىلىمىز ۋە قەدىرلىك ئانىلىرىمىزنىڭ تىرىشچانلىقى بىلەن "تۈركىيە ئەسىرى" غايىمىزگە يېتىدىغانلىقىمىزغا چىن دىلىمدىن ئىشىنىمەن. ھەر قانداق مەدھىيە ۋە ھۆرمەتكە ئەڭ لايىق بولغان ئانىلىرىمىزنىڭ ئانىلار بايرىمىنى قۇتلۇقلايمەن. ئاخىرەتكە سەپەر قىلغان بارلىق ئانىلىرىمىزنىمۇ رەھمەت ۋە مىننەتدارلىق بىلەن ئەسلەيمەن»
