ئامېرىكا مەركىزىي قوماندانلىق ئىشتابى (CENTCOM) ئىراننىڭ جەنۇبىدىكى شەھەرلەر ۋە ھورمۇز بوغۇزى ئەتراپىدىكى نىشانلارنى بومباردىمان قىلدى. ئىران تەرەپنىڭ بىلدۈرۈشىچە، ئامېرىكا سىرىك ناھىيەسىدىكى بىر توي مۇراسىمى ئۆتكۈزۈلۈۋاتقان ئۆيگە ھۇجۇم قىلىپ، كەم دېگەندە تۆت كىشىنىڭ جېنىغا زامىن بولغان، 68 كىشىنى يارىلاندۇرغان. خۇزىستان رايونىدىمۇ يەتتە كىشى ھاياتىدىن ئايرىلغان.
ئىران ئىنقىلابىي مۇھاپىزەتچىلەر قىسمى ئامېرىكانىڭ بىر دانە «MQ-9» تىپلىق ئۇچقۇچىسىز ھاۋا ئاپپاراتىنى ئېتىپ چۈشۈرگەنلىكىنى جاكارلىدى. ئارقىدىن، ئىران ئارمىيەسى ئىيوردانىيە، بەھرەين ۋە ئىراقتىكى ئامېرىكا بازىلىرىنى باشقۇرۇلىدىغان بومبا ۋە ئۇچقۇچىسىز ئاپپاراتلار بىلەن نىشان قىلدى. ئىيوردانىيە ئارمىيەسى ئۆز ھاۋا تەۋەلىكىگە كىرگەن 13 باللىستىك بومبىنىڭ 10 نى توسۇۋالغانلىقىنى بىلدۈردى. رايوندىكى دۆلەتلەردە جىددىي ھالەت سىگناللىرى چېلىنىپ، ۋەزىيەت يەنە كەسكىنلىشىپ كەتتى.
