ئامېرىكاغا جايلاشقان بىر كىشىلىك ھوقۇق گۇرۇپپىسى دۈشەنبە كۈنى ئېلان قىلغان باياناتىدا، ئىراندىكى نامايىشلاردا ھاياتىدىن ئايرىلغانلار سانىنىڭ 4029 غا يەتكەنلىكىنى ئېلان قىلدى.
تەشكىلات تەرىپىدىن توپلانغان سانلىق مەلۇماتلارغا ئاساسلانغاندا، مەملىكەت مىقياسىدىكى نامايىشلار 23-كۈنىدە قولغا ئېلىنغانلارنىڭ سانى 26 مىڭ 15 كە يەتكەن. دوكلاتقا ئاساسلانغاندا، نامايىشلار جەريانىدا كەم دېگەندە 5811 كىشى ئېغىر يارىلانغان.
ئىران 28-دېكابىر تېھران چوڭ بازىرىدا ئىران رىيالىنىڭ تېز سۈرەتتە قىممىتىنى يوقىتىشى ۋە ناچارلاشقان ئىقتىسادىي شارائىت سەۋەبىدىن باشلانغان نامايىش دولقۇنى بىلەن لەرزىگە كەلمەكتە. نامايىشلار كېيىنچە نۇرغۇن شەھەرلەرگە كېڭەيدى.
دائىرىلەر مەملىكەت مىقىياسىدىكى ئاممىۋى سورۇنلاردا تۈرلۈك ھۇجۇملارنى تەشكىللىگەن ۋە «قوراللىق ئىسيانچىلار» دەپ تەسۋىرلەنگەن گۇرۇپپىلارنىڭ ئارقىسىدا ئامېرىكا ۋە ئىسرائىلىيەنىڭ بارلىقىنى ئىلگىرى سۈرمەكتە.
ئامېرىكا پىرېزىدېنتى دونالد تىرامپ نامايىشچىلارنىڭ ئۆلتۈرۈلۈش ئەھۋالى كۆرۈلسە، ئىراننى قايتا-قايتا «قاتتىق زەربە بېرىش» بىلەن تەھدىت سالغان ئىدى، ئەمما كېيىنچە پىلانلانغان يۈزلەرچە قەتلى قىلىش جازاسىنىڭ ئەمەلدىن قالدۇرۇلغانلىقى ھەققىدىكى خەۋەرلەردىن كېيىن تېھرانغا رەھمەت ئېيتقان ئىدى.
