ئامېرىكانىڭ باغداد، بېيرۇت، كۇۋەيت ۋە ماناما باش ئەلچىخانىلىرى تەرىپىدىن ئېلان قىلىنغان باياناتتا، يەمەندىكى ئىران قوللاۋاتقان خۇسىيلارنىڭ، سەئۇدى ئەرەبىستاندىكى ئاممىۋى ئايرودۇرۇملارنىمۇ ئۆز ئىچىگە ئالغان تۈرلۈك جايلارغا ھۇجۇملارنى قىلغانلىقى قەيت قىلىندى.
سەئۇدى ئەرەبىستان بىلەن خۇسىيلار ئوتتۇرىسىدىكى ھەربىي توقۇنۇشنىڭ «تېزلىكتە ئۇلغىيىشى مۇمكىنلىكىگە» ئىشارەت قىلىنغان باياناتتا، ئوتتۇرا شەرقتىكى خەۋپسىزلىك ۋەزىيىتىنىڭ مۇرەككەپ ئىكەنلىكى ۋە «تۇيۇقسىز بىر كەسكىنلىشىشنىڭ» يۈز بېرىشى مۇمكىنلىكى ئوتتۇرىغا قويۇلدى.
باياناتتا، ئوتتۇرا شەرقتە تۇرۇۋاتقان ئامېرىكا پۇقرالىرىنىڭ دىققەتلىك بولۇشى، ئېھتىماللىقى بولغان ئاۋىياتسىيە سەپەرلىرىنىڭ بىكار قىلىنىشى، ھاۋا تەۋەلىكىنىڭ تاقىلىشى ۋە سەپەر ئاقساشلىرىغا تەييار ھالەتتە بولۇشى تەلەپ قىلىندى.
ئىران ۋە ئۇنىڭ قوللىشى ئاستىدىكى گۇرۇپپىلارنىڭ ئامېرىكا بىلەن چېتىشلىقى بولغان جايلارنى نىشان قىلىشى مۇمكىنلىكى خاتىرىلەنگەن باياناتتا، ئوتتۇرا شەرق رايونى سىرتىدىكىلەرنىمۇ ئۆز ئىچىگە ئالغان ھالدا ئامېرىكانىڭ دىپلوماتىك ئەسلىھەلىرىنىڭ ئىلگىرىمۇ ھۇجۇم نىشانى بولغانلىقى ئەسكەرتىلدى.
