ئىقتىساد ۋە مەمۇرىي قاتلامدا ئىسلاھات ئېلىپ بېرىشنى تەلەپ قىلىدىغان مەزكۇر گۇرۇپپا ھۆكۈمەت تەرىپىدىن «تېررورلۇققا قارشى تۇرۇش قانۇنى» بويىچە چەكلەنگەن بولسىمۇ، نامايىشنى داۋاملاشتۇرىدىغانلىقىنى ئېلان قىلغانىدى. تاراتقۇلارنىڭ خەۋىرىگە قارىغاندا، توقۇنۇش يۈز بەرگەن راۋالاكوت شەھىرىدە پۇقرالاردىن 40 كىشى، ساقچىلاردىن 23 كىشى يارىلانغان.
دائىرىلەر «ئاممىۋى ئورتاق ھەرىكەت كومىتېتى»نىڭ مەركىزىي ئىشخانىسىنى پېچەتلەپ، 70 تىن ئارتۇق ئەزاسىنى قولغا ئالدى ھەمدە رايوننىڭ ئەڭ چوڭ شەھىرى مۇزەپپەرئابادتا يىغىلىشلارنى چەكلىدى. گۇرۇپپا ئەزالىرى بولسا، ئۆزلىرىنىڭ تېررورلۇق تەشكىلاتى ئەمەسلىكىنى، پەقەت قانۇنىي ئىقتىسادىي ۋە سىياسىي ھوقۇقلىرى تەلەپ قىلىپ نامايىش قىلىۋاتقانلىقىنى ئوتتۇرىغا قويماقتا.
