ئامېرىكا مەركىزىي قوماندانلىق ئىشتابى (CENTCOM)، ئىراننىڭ ئىيوردانىيەدىكى ئامېرىكا بازىلىرىغا ئېلىپ بارغان ھۇجۇملىرىغا قايتۇرما زەربە سۈپىتىدە، ئىران ئىنقىلاب مۇھاپىزەتچىلىرى ئارمىيەسى نىشانلىرىغا قارىتىلغان يېڭى ھۇجۇم دولقۇنىنى تاماملىغانلىقىنى ئېلان قىلدى.
ئامېرىكا مەركىزىي قوماندانلىق ئىشتابى تەرىپىدىن ئېلان قىلىنغان يازما باياناتتا: «ئامېرىكا شەرق سائىتى 22:00 (تۈركىيە ۋاقتى 05:00) ئامېرىكا كۈچلىرىگە قىلىنغان ھۇجۇملارغا قايتۇرما زەربە سۈپىتىدە باشلىغان يېڭى ھۇجۇم دولقۇنىنى تاماملىدى» دېيىلدى.
يېڭى ھۇجۇم دولقۇنىدا، ئىران ئىنقىلاپ مۇھاپىزەتچىلىرى ئارمىيەسىگە ئائىت ھەربىي قوماندانلىق مەركەزلىرى، باشقۇرۇلىدىغان بومبا ۋە ئۇچقۇچىسىز ئايروپىلان ئەسلىھەلىرى، ساھىل كۆزىتىش ۋە مۇداپىئە مەركەزلىرى ھەمدە دېڭىزچىلىق ئىقتىدارلىرغ زەربە بېرىلگەنلىكى ئەسكەرتىلىپ: «ھۇجۇملار، ئىران ۋە ئۇنىڭ ۋاكالەتچى كۈچلىرىنىڭ ئامېرىكا كۈچلىرىگە، سودا پاراخوتلىرىغا ۋە قوشنا پارىس قولتۇقى دۆلەتلىرىگە قااتقان تەھدىتلىرىنى تېخىمۇ ئازايتىشنى مەقسەت قىلدى» دېيىلدى.
باياناتتا، ئىراننىڭ 28-ئىيۇل ئاخشامدا ئىيوردانىيەدىكى ھەربىي بازىغا قارىتا ئېلىپ بارغان ھۇجۇملىرى ئەسكەرتىلىپ، 50 مىڭدىن ئارتۇق ئامېرىكا ئەسكىرىنىڭ ھازىر ئوتتۇرا شەرقتە ۋەزىپىگە تەييار ھالەتتە كۈتۈۋاتقانلىقى تەكىتلەندى.
