جۇمھۇر رەئىس ئەردوغان جەنۇبىي كاۋكازىيەدە مۇقۇملۇق ۋە تىنچلىق ئورنىتىش ئۈچۈن ئېلىپ بېرىلىۋاتقان تىرىشچانلىقلارنى تۈركىيەنىڭ قوللاشنى داۋاملاشتۇرىدىغانلىقىنى تەكىتلىدى.
جۇمھۇر رەئىس رەجەپ تاييىپ ئەردوغان ئەزەربەيجان جۇمھۇر رەئىسى ئىلھام ئالىيېۋ بىلەن تېلېفوندا كۆرۈشتى. تۈركىيە جۇمھۇرىيىتى جۇمھۇر رەئىسلىك مەھكىمىسىنىڭ شەنبە كۈنىدىكى باياناتىغا ئاساسلانغاندا، سۆھبەتتە ئىككى دۆلەت مۇناسىۋىتى، شۇنداقلا رايونلۇق ۋە خەلقئارالىق ئۆزگىرىشلەر مۇزاكىرە قىلىنغان.
سۆھبەتتە ئەردوغان تۈركىيە بىلەن ئەزەربەيجاننىڭ ھەر ساھەدە ئىككى تەرەپلىك مۇناسىۋەتنى تەرەققىي قىلدۇرۇشنى داۋاملاشتۇرىدىغانلىقىنى بىلدۈردى. ئەردوغان يەنە تۈركىيەنىڭ جەنۇبىي كاۋكازىيەدە مۇقىملۇق ۋە تىنچلىق ئورنىتىش ئۈچۈن ئېلىپ بېرىلىۋاتقان تىرىشچانلىقلارنى قوللايدىغانلىقىنى تەكىتلىدى.
«تېرروردىن خالىي تۈركىيە» نىشانى بىلەن باشلانغان بۇ باسقۇچ ئۈستىدىمۇ توختالغان ئەردوغان، بۇ جەرياننىڭ رايوندىكى تېرورلۇق تەشكىلاتلىرىنى يوقىتىشقا تۆھپە قوشىدىغانلىقىنى ئىپادىلىدى. ئەردوغان مۇۋەپپەقىيەتلىك تاماملىنىدىغان بۇ جەرياننىڭ رايوننىڭ خەۋپسىزلىكىنى تېخىمۇ مۇستەھكەملەيدىغانلىقىنى تەكىتلىدى.
ئالىيېۋ بولسا تۈركىيەنىڭ «تېرروردىن خالىي تۈركىيە» نىشانى بىلەن باشلىغان بۇ جەرياندا ئېرىشكەن مۇۋەپپەقىيىتىنىڭ مۇھىملىقىنى بىلدۈردى. ئالىيېۋ بۇ جەرياندا قولغا كەلتۈرۈلگەن نەتىجىلەردىن خۇرسەن بولغانلىقىنى ئىپادىلەپ، بۇ جەرياننىڭ مۇۋەپپەقىيەتلىك تاماملىنىپ، نىشانىغا يېتىدىغانلىقىغا ئىشىنىدىغانلىقىنى بىلدۈردى.
