ۋورونېژ ۋالىيسى ئالېكساندىر گۇسېۋ تېلېگرامدىكى باياناتىدا: «ۋورونېژدا يۈز بەرگەن تېررورلۇق ھۇجۇمى نەتىجىسىدە، ئەپسۇسكى، ئىككى كىشى ھاياتىدىن ئايرىلدى (...)، 17 كىشى يارىلاندى» دېدى.

رۇسىيە تۆمۈر يوللىرى ئىدارىسىنىڭ باياناتىدا، ھۇجۇم سەۋەبىدىن ترېسۋياتسكايا – سوموۋو – ئوتروژكا – ۋورونېژ لىنىيەسىدە توك ئۈزۈلۈپ، پويىز قاتنىشىنىڭ توختىتىلغانلىقى قەيت قىلىندى.

باياناتتا، لىنىيەنى رېمونت قىلىش خىزمەتلىرىنىڭ داۋاملىشىۋاتقانلىقى، جەنۇبقا قاراپ قاتنايدىغان يولۇچىلار پويىزلىرى ۋە شەھەر ئەتراپى پويىزلىرىنىڭ قاتنىشىدا كېچىكىش كۆرۈلۈشى مۇمكىنلىكى بىلدۈرۈلدى.