نورۋېگىيە نوبېل كومىتېتى جۈمە (10-ئۆكتەبىر) كۈنى 2025-يىللىق نوبېل تىنچلىق مۇكاپاتىنىڭ ۋېنېزۇئېلا ئۆكتىچى رەھبىرى مارىيا كورىنا ماچادوغا بېرىلگەنلىكىنى ئېلان قىلدى.
ئامېرىكا پىرېزىدېنتى دونالد ترامپ ئۆزىنىڭ مۇكاپاتقا لايىق ئىكەنلىكىنى ئاشكارا ئوتتۇرىغا قويغان بولسىمۇ، 58 ياشلىق ماچادو «ۋېنېزۇئېلا خەلقى ئۈچۈن دېموكراتىك ھوقۇقنى ئىلگىرى سۈرۈشتە كۆرسەتكەن تىرىشچانلىقلىرى» ئۈچۈن مۇكاپاتقا لايىق كۆرۈلدى.
بۇ يىللىق مۇكاپاتقا، 244 شەخس ۋە 94 تەشكىلاتنى ئۆز ئىچىگە ئالغان 338 كاندىدات نامزاتلىققا كۆرسىتىلدى.
ئۆتكەن يىلقى (2024) نوبېل تىنچلىق مۇكاپاتى ياپونىيەدە ئاتوم بومبىسىنىڭ زىيانكەشلىكىگە ئۇچرىغانلار قۇرغان ۋە ئون يىللاردىن بۇيان يادرو قوراللىرىنى ئىشلىتىشنى چەكلەش ئۈچۈن تىرىشىۋاتقان خەلق ھەرىكىتى-«نىخون خىدانكيو» غا بېرىلگەن ئىدى.
نوبېل تىنچلىق مۇكاپاتى 1901-يىلدىن 2024-يىلىغىچە 111 كىشىگە ۋە 31 تەشكىلاتقا، يەنى جەمئىي 142 تاللانغان نامزاتقا 105 قېتىم بېرىلدى.
105 قېتىم 142 مۇكاپاتقا ئېرىشكۈچىگە بېرىلگەن بولۇپ، بۇنىڭ ئىچىدە 111 شەخس ۋە 31 تەشكىلات بار.
تەۋسىيە
جەمئىي 28 ئايرىم تەشكىلات نوبېل تىنچلىق مۇكاپاتىغا ئېرىشتى. خەلقئارا قىزىل كېرىست كومىتېتى ئۈچ قېتىم، ب د ت نىڭ مۇساپىرلار ئىشلىرى ئالىي كومىسسارلىقى (UNHCR) ئىككى قېتىم بۇ مۇكاپاتقا ئېرىشتى.
شۋېتسىيەلىك كەشپىياتچى ئالفرېد نوبېلنىڭ ۋەسىيىتىگە ئاساسەن قۇرۇلغان ۋە تۇنجى قېتىم 1901-يىلى بېرىلىشكە باشلىغان نوبېل مۇكاپاتلىرى دۇنيادىكى ئەڭ داڭلىق شۆھرەتكە ئىگە مۇكاپاتلارنىڭ بىرى دەپ قارىلىدۇ.
نوبېل مۇكاپاتلىرى ھەر يىلى فىزىكا، خىمىيە، فىزىيولوگىيە ياكى مېدىتسىنا، ئەدەبىيات ۋە تىنچلىق ساھەلىرىدە تارقىتىلىدۇ. ئىقتىساد مۇكاپاتى 1969-يىلى شۋېتسىيە مەركىزىي بانكاسىنىڭ مەبلەغ تەسىس قىلىشى بىلەن نوبېل مۇكاپاتلىرى تىزىملىكىگە قوشۇلغان.
مۇناسىۋەتلىك ئۇچۇرلارTRT World - Maduro-Machado talks unlikely as opposition avoids Venezuela court call
