سانا (SANA) ئاگېنتلىقىنىڭ خەۋىرىگە ئاساسلانغاندا، سۈرىيە پىرېزىدېنتى ئەھمەد شارا رەسمىي سۆھبەت ئۆتكۈزۈش ئۈچۈن ئامېرىكا قوشما ئىشتاتلىرىغا يېتىپ بارغان.

سانا (SANA) ئاگېنتلىقى شارانىڭ 6-نويابىر بىرازىلىيەدە ئۆتكۈزۈلگەن COP30 كىلىمات باشلىقلار يىغىنىغا قاتناشقاندىن كېيىن، شەنبە كۈنى ئامېرىكا قوشما ئىشتاتلىرىغا بارغانلىقىنى خەۋەر قىلغان.

سۈرىيە پىرېزىدېنتىنىڭ 10-نويابىر ئاق سارايدا ئامېرىكا قوشما ئىشتاتلىرى پىرېزىدېنتى دونالد ترامپ بىلەن كۆرۈشۈشى كۈتۈلمەكتە.

بۇ زىيارەت كۈتۈلگىنىدەك، ۋاشىنگتون شارانى «تېررورلۇق قارا تىزىملىكى» دىن چىقارغاندىن كېيىن ئېلىپ بېرىلدى.

ئامېرىكا قوشما ئىشتاتلىرى دۆلەت ئىشلىرى مىنىستىرلىقىنىڭ باياناتچىسى توممىي پىگوت، يوقاپ كەتكەن ئامېرىكىلىقلارنى تېپىش ۋە قالغان ھەرقانداق خىمىيىلىك قوراللارنى يوقىتىشنى ئۆز ئىچىگە ئالغان ئامېرىكانىڭ تەلىپىنى شارا ھۆكۈمىتىنىڭ ئورۇندىغانلىقىنى بىلدۈرۈپ: «بۇ قەدەملەر بەششار ئەسەدنىڭ ئايرىلىشى ۋە ئەسەد ھاكىمىيىتى ئاستىدا 50 يىلدىن ئارتۇق داۋاملاشقان زۇلۇمدىن كېيىن، سۈرىيە ھۆكۈمىتىنىڭ قولغا كەلتۈرگەن ئىلگىرىلەشلىرىنى ئېتىراپ قىلىش ئۈچۈن بېسىلدى» دېگەن سۆزلەرنى ئىشلەتتى.