رەسمىي زىيارەت بىلەن 13-ماي قازاقىستاننىڭ پايتەختى ئاستانەگە بارغان تۈركىيە جۇمھۇرىيىتىنىڭ جۇمھۇر رەئىسى ئەردوغان ئالاقىدار ئۇچرىشىشلىرىنى داۋاملاشتۇرماقتا.
تۈنۈگۈن مۇستەقىللىق سارىيىدا قازاقىستان پىرېزىدېنتى قاسىم جومارت توقايېۋ بىلەن ئايرىم كۆرۈشكەن ئەردوغان، تۈركىيە - قازاقىستان يۇقىرى دەرىجىلىك ئىستراتېگىيەلىك ھەمكارلىق كېڭىشىنىڭ ئالتىنچى قېتىملىق يىغىنىغا قاتناشتى.
ئورتاق مۇخبىرلارنى كۈتۈۋېلىش يىغىنى ئۆتكۈزگەن ئىككى رەھبەر، ئارقىدىن تۈركىيە - قازاقىستان سودا مۇنبىرىنىڭ يېپىلىش مۇراسىمىغا بىرلىكتە قاتناشتى.
ئاستانەدە تۇرۇۋاتقان ئەردوغان بۈگۈن ئەتىگەندە تۈرك دۆلەتلىرى تەشكىلاتىنىڭ غەيرىي رەسمىي باشلىقلار يىغىنىغا قاتنىشىش ئۈچۈن ئاستانىدىن تۈركىستانغا قاراپ يولغا چىقتى.
جۇمھۇر رەئىس ئەردوغاننى نۇرسۇلتان نەزەربايېۋ خەلقئارا ئايرودۇرۇمىدىن قازاقىستان باش مىنىستىرى ئولجاس بەكتېنوف، تۈركىيەنىڭ ئاستانەدە تۇرۇشلۇق ئەلچىسى مۇستافا كاپۇجۇ ۋە باشقا ئالاقىدار خادىملار ئۇزىتىپ قويدى.
جۇمھۇر رەئىس ئەردوغان بىلەن بىللە رەپىقىسى ئەمىنە ئەردوغان ۋە ئۇنىڭغا ھەمراھ بولغان ھەيئەتمۇ تۈركىستانغا قاراپ يولغا چىقتى.
