ئىتالىيە ANSA ئاگېنتلىقىنىڭ خەۋىرىگە ئاساسلانغاندا، كروزېتتو بىر پىروگراممىغا ئەۋەتكەن سىنلىق ئۇچۇرىدا خەلقئارا كۈنتەرتىپلەرگە باھا بەرگەن.

ئەنقەرەدە 7- ۋە 8-ئىيۇل كۈنلىرى ئۆتكۈزۈلىدىغان ناتو باشلىقلار يىغىنى ھەققىدە توختالغان كروزېتتو مۇنداق دېگەن: «ئەنقەرەدىكى ناتو باشلىقلار يىغىنى ياخشى نەتىجە بېرىدىغان شەكىلدە لايىھەلەندى. ۋەدىلەر ئادا قىلىنىدۇ ھەمدە ھەر بىر دۆلەت ئۆز ئۈستىگە ئېلىشقا ۋەدە بەرگەن مەجبۇرىيەتلەرنىڭ مۇھىم بىر قىسمىنى ئادا قىلىپ بولغان ھالدا يىغىنغا قاتنىشىۋاتىدۇ. بۇ نۇقتىدىن ئېيتقاندا، ئالدىنقى نۆۋەتلىك باشلىقلار يىغىنىدا كۆرۈلگەن مەسىلىلەردىن ئېشىپ كەتكەن باشقا بىر مەسىلىنى كۆرمەيۋاتىمەن».

ئىتالىيەلىك مىنىستىر، ئامېرىكا پىرېزىدېنتى دونالد تىرامپنىڭ يىغىن جەريانىدا نېمىلەرنى دەيدىغانلىقىنى ۋە نېمىلەرنى قىلىدىغانلىقىنىمۇ يېقىندىن كۆزىتىدىغانلىقىنى تەكىتلىدى.

پىرېزىدېنت تىرامپ بىلەن ئىتالىيە باش مىنىستىرى جورجىيا مېلونى ئوتتۇرىسىدا يېقىنقى ھەپتىلەردە يىرىكلەشكەن مۇناسىۋەتلەردىمۇ ئىككى دۆلەت نۇقتىسىدىن ھېچقانداق مەسىلە كۆرمىگەنلىكىگە ئىشارەت قىلغان كروزېتتو، ئامېرىكا بىلەن بولغان مۇناسىۋەتلەرنىڭ 1 يىل ياكى 5 يىل ئىلگىرىكىگە ئوخشاشلا «مۇكەممەل» ئىكەنلىكىنى ئەسكەرتتى.

كروزېتتو ناتودىن باشقا بىر تاللاشنىڭمۇ يوقلىقىنى ئوتتۇرىغا قويدى.