تورونتو ساقچى دائىرلىرى، دۇكانلار ۋە ئاشخانىلار جايلاشقان بىر رايوندا ئىككى كىشىنى ئۆلتۈرگەن ۋە ئۈچ كىشىنى يارىلاندۇرغان، بىر قوراللىق ھۇجۇمچىنى تۇتۇش ئۈچۈن قوغلاپ تۇتۇش خىزمىتى باشلىدى.

تورونتو ساقچى ئىدارىسىنىڭ X سۇپىسىدا ئېلان قىلىنغان ئۇچۇردا: «مەرھەمەت قىلىپ رايوندىن دەرھال يىراق تۇرۇڭلار ۋە ھاقچىلارنىڭ بارلىق بۇيرۇقلىرىغا بويسۇنۇڭلار» دېگەن سۆزلەر ئىشلىتىلدى.

مەسئۇللار كېيىنچە ئېلان قىلغان يەنە بىر ئۇچۇرىدا: «ساقچىلار ۋەقە يۈز بەرگەن ئورۇننىڭ بىخەتەرلىكىنى كاپالەتكە ئىگە قىلدى» دېدى.

يەرلىك تاراتقۇلار، قوراللىق ھۇجۇمنىڭ بىر سالسا فېستىۋالى ئۆتكۈزۈلۈۋاتقان رايوندا مەيدانغا كەلگەنلىكىنى جەزملەشتۈردى.

تورونتو ساچى ئدائىرلىرى، «Salsa on St. Clair» فېستىۋالى داۋاملىشىۋاتقان سانت كلاير كوچىسىنىڭ غەربىي قىسمى ۋە ئارلىڭتون كوچىسى يېقىنلىرىدا مەيدانغا كەلگەن قوراللىق ھۇجۇمدىن كېيىن، ئوق تەككەن بەش كىشىنىڭ بايقالغانلىقىنى ئېلان قىلدى.

مەسئۇللار دەسلەپتە ۋەقەگە مۇداخىلە قىلىش جەريانىدا ئاممىنى رايوندىن يىراق تۇرۇشقا چاقىردى. ساقچىلاركېيىنچە ۋەقە يۈز بەرگەن ئورۇننىڭ بىخەتەر ھالغا كەلتۈرۈلگەنلكىنى ئېلان قىلغان بولسىمۇ، گۇماندارلار ياكى قولغا ئېلىنغانلار بىلەن مۇناسىۋەتلىك ھازىرچە ھېچقانداق ئۇچۇر بېرىلمىدى.

رايونغا نۇرغۇن ساندا  ساقچى كۈچلىرى ئورۇنلاشتۇرۇلدى.

«Salsa in Toronto»  فېستىۋالى لاتىن ئامېرىكاسى ئۇسلۇبىدىكى بىر مەدەنىيەت قۇتلۇقلاش پائالىيىتى ھېسابلىنىدۇ.

بۇ ۋەقە ئۆتكەن ئاينىڭ ئاخىرىدا مونرېئالدا يۈز بەرگەن ۋە بىر ساقچى خادىمىنى قوشقاندا ئىككى كىشى قازا قىلغان قوراللىق ھۇجۇمنىڭ ئارقىسىدىن يۈز بەردى.

فېۋرال ئېيىدا، غەربتىكى كىچىك بىر كان شەھىرى بولغان تۇمبلېر رىجدا يۈز بەرگەن مەكتەپ ھۇجۇمىدا، ھۇجۇمچى ئۆزىنى ئۆلتۈرۈشتىن ئىلگىرى ئانىسى ۋە ئۆگەي قېرىندىشىنىمۇ قوشقاندا قەمئىي سەككىز كىشىنى ئۆلتۈرۈپ، 27 كىشىنى يارىلاندۇرغان ئىدى.

شەنبە كۈنى تورونتودىكى بىر كوچا فېستىۋالىنىڭ يېقىنىدا مەيدانغا كەلگەن قوراللىق ھۇجۇمدا ئىككى كىشى ھاياتىدىن ئايرىلدى، ئۈچ كىشى يارىلاندى. ۋەقە تۈپەيلىدىن ساقچىلار دەسلەپتە بىر ھۇجۇمچىنىڭ بارلىقى ھەققىدە ئاگاھلاندۇرۇش ئېلان قىلدى، كېيىنچە رايوننىڭ بىخەتەرلىكىنىڭ تولۇق كاپالەتكە ئىگە قىلىنغانلىقىنى جاكارلىدى.