ھىندىستان باش مىنىستىرى نارېندرا مودى رەھبەرلىكىدىكى باھاراتىيا جاناتا پارتىيەسى (BJP)، تۆت ئۆلكىدىكى سايلامنىڭ ئىككىسىدە غەلىبە قىلدى. سايلام ھەيئىتى ئېلان قىلغان نەتىجىلەرگە قارىغاندا، پارتىيە شەرقتىكى غەربىي بېنگال ئۆلكىسىدىمۇ تەسىر دائىرىسىنى كېڭەيتكەن.
رايونلۇق سايلاملار ئاپرېلنىڭ بېشىدىن بۇيان باسقۇچلۇق ھالدا بېلەت تاشلانغان بەش رايوندىكى باش مىنىستىر پارتىيەسى ئۈچۈن مۇھىم بىر سىناق سۈپىتىدە قارىلىۋاتقان ئىدى.
ھىندىستان سايلام كومىتېتى تەرىپىدىن ئېلان قىلغان نەتىجىلەر، مودىنىڭ پارتىيەسىنىڭ شەرقىي شىمالدىكى ئاسسام ئۆلكىسىدە ھاكىمىيەتنى ساقلاپ قالغانلىقىنى كۆرسەتمەكتە؛ پارتىيە نۆۋەتتىكى 126 ئورۇندىن 82 سىنى قولغا كەلتۈردى. ئۆكتىچى «كوڭرېس» پارتىيەسى بولسا 19 ئورۇنغا ئېرىشتى.
مۇھىم بىر ئۆزگىرىش بىلەن، «باھاراتىيا جاناتا پارتىيەسى» شەرق ئۆلكىسى بولغان غەربىي بېنگالدا 200 دىن ئارتۇق ئورۇنغا ئېرىشىپ، ئۇدا تۆتىنچى قېتىم ۋەزىپە ئۆتەشكە تەلەپكار بولغان باش مىنىستىر ماماتا بانېرجېنى يېڭىپ زور غەلىبىنى قولغا كەلتۈردى. ھاكىمىيەت بېشىدىكى «پۈتۈن ھىندىستان ترىنامول كوڭرېسى» (All India Trinamool Congress) بولسا 74 ئورۇنغا ئېرىشتى.
«تارىخىي نەتىجە»
نەتىجىلەر ھەققىدە توختالغان باش مىنىستىر مودى نەتىجىنىڭ «تارىخىي» ئىكەنلىكىنى ئېيتىش بىلەن بىرگە، «X» سۇپىسىدا: «باھاراتىيا جاناتا پارتىيەسىنىڭ غەربىي بېنگالدىكى بۇ تارىخىي غەلىبىسى ئەۋلادمۇئەۋلاد سانسىزلىغان خىزمەتچىلەرنىڭ ھارماي-تالماي كۆرسەتكەن تىرىشچانلىقلىرى ۋە كۈرەشلىرى بولمىسا مۇمكىن بولمايتتى» دەپ يازدى.
كېرالادا «ھىندىستان مىللىي كوڭرېسى» (Indian National Congress) 63 ئورۇنغا ئېرىشىپ سايلامنىڭ غەلىبە قىلغۇچىسى بولدى؛ پۇدۇچېررىيدا مودىنىڭ مىللىي دېموكراتىك ئىتتىپاقىنىڭ بىر قىسمى بولغان «پۈتۈن ھىندىستان ئېن ئار كوڭرېسى» (All India NR Congress) 30 ئورۇندىن 12 سىنى قولغا كەلتۈردى. «باھاراتىيا جاناتا پارتىيەسى» تەسىر دائىرىسىنى كېڭەيتىشنى نىشان قىلغان تامىل نادۇدا، رايونلۇق «تامىلاگا ۋېتترى كازخاگام» پارتىيەسى جەمئىي 234 ئورۇننىڭ 100 دىن ئارتۇقىنى قولغا كەلتۈردى.
2026-يىلىغا كەلگەندە «باھاراتىيا جاناتا پارتىيەسى» يىگىرمىدىن ئارتۇق ئۆلكە ۋە ئىتتىپاقداش رايونلارنى باشقۇرىدىغان ھالەتكە كەلدى.
