رىياد 48 سائەت ئىچىدە ئىككى قېتىم نىشانغا ئېلىندى (تۇنجى ھۇجۇمدا 13 كىشى ئۆلگەن ۋە 300 دىن ئارتۇق كىشى يارىلانغان ئىدى). داممامدىكى پادىشاھ فەھد ئايرودورۇمىمۇ ھۇجۇمغا ئۇچرىدى.
ئاممىۋىي ئاۋىياتسىيە ئىدارىسى سەئۇدى ئەرەبىستاننىڭ پايتەختى رىيادىدىكى پادىشاھ خالىد خەلقئارا ئايرودورۇمىغا قىلىنغان ھۇجۇمدا 1 كىشىنىڭ ھاياتىدىن ئايرىلغانلىقىنى، 11 كىشىنىڭ يارىلانغانلىقىنى ئېلان قىلدى.
سەئۇدى ئەرەبىستان ئاممىۋىي ئاۋىياتسىيە باش ئىدارىسى (GACA)، يەكشەنبە كۈنى كېەچتە ئېلان قىلغان باياناتىدا، ھاياتىدىن ئايرىلغان كىشىنىڭ پاكىستان پۇقراسى ئىكەنلىكىنى ۋە يارىدارلارنىڭ داۋالىنىش ئۈچۈن دوختۇرخانىغا ئېلىپ بېرىلغانلىقىنى جزەملەشتۈرگەن ئىدى.
سەئۇدى ئەرەبىستان ئاممىۋىي ئاۋىياتسىيە باش ئىدارىسى (GACA) ھۇجۇمنىڭ ماددىي زىيانمۇ كەلتۈرۈپ چىقارغانلىقىنى ۋە زىياننى تەكشۈرۈش خىزمەتلىرىنىڭ داۋاملىشىۋاتقانلىقىنى بىلدۈردى.
يەمەندىكى سەئۇدى ئەرەبىستان باشچىلىقىدىكى ئىتتىپاقداش قىسىم، يەكشەنبە كۈنى چۈشتىن كېيىن كىملىكى نامەلۇم بىر جىسىمنىڭ ئايرودورۇمدىكى 4-تېرمىنالغا تېگىپ ئوت ئاپىتى كەلتۈرۈپ چىقارغانلىقىنى ئۇقتۇرغان ئىدى.
مەزكۇر ھۇجۇم، ئوخشاش ئايرودورۇمغا قىلىنغان ۋە 12 كىشىنىڭ ئۆلۈمىگە، 300 دىن ئارتۇق كىشىنىڭ يارىلىنىشىغا سەۋەب بولغان يەنە بىر ھۇجۇمدىن بىر كۈن كېيىن يۈز بەردى.
سەئۇدى ئەرەبىستان ئاۋىياتسىيە ۋە نېفىت ئەسلىھەلىرىگە قارىتىلغان ھۇجۇملار
سەئۇدى ئەرەبىستان يېتەكچىلىكىدىكى ئىتتىپاقداش قىسىم مەزكۇر ھۇجۇمغا ھۇسىي قوراللىقلىرىنىڭ جاۋابكار ئىكەنلىكىنى بىلدۈردى ۋە ۋەقەنى خەلقئارا ئىنسانپەرۋەرلىك قانۇنىغا خىلاپلىق قىلىش دەپ ئاتاپ، بۇنىڭغا قاتتىق جاۋاب قايتۇرىدىغانلىقىنى ئېيتتى.
سەئۇدى ئەرەبىستان ئىلگىرى يەمەنلىك ھۇسىي قوراللىقلىرىنىڭ دۆلەت ئىچىدىكى ئىككى ئايرودورۇمغا ۋە چوڭ نېفىت ئەسلىھەلىرىگە ھۇجۇم قىلغانلىقىنى ئىلگىرى سۈرۈش بىلەن بىر ۋاقىتتا، شەرقىي قىسىمدىكى داممام شەھىرىگە جايلاشقان پادىشاھ فەھد خەلقئارا ئايرودورۇمىنىڭمۇ ھۇجۇمغا ئۇچرىغانلىقىنى ئېلان قىلغان ئىدى.
سەئۇدى ئەرەبىستان ئاممىۋىي ئاۋىياتسىيە باش ئىدارىسى مۇناسىۋەتلىك ئورگانلار بىلەن ماسلىشىپ يرودورۇمدا زىياننى تەكشۈرۈش ۋە بىخەتەرلىكنى تەكشۈرۈش خىزمەتلىرىنى ئېلىپ بېرىۋاتقانلىقىنى بىلدۈردى.
مەسئۇللار جان تالاپىتى ياكى زىياننىڭ دەرىجىسى ھەققىدە تەپسىلىي ئۇچۇر بەرمىدى.
سەئۇدى ئەرەبىستان باشچىلىقىدىكى ئىتتىپاقداش قىسىم X سۇپىسى ئارقىلىق ئېلان قىلغان باياناتىدا، ھاۋا مۇداپىئە سىستېمىلىرىنىڭ سەئۇدى ئەرەبىستاننىڭ شەرقىي رايونى ئۈستىدە بىر ئۇچقۇچىسىز ئاپپاراتنى ئېتىپ چۈشۈرگەنلىكىنى ۋە ۋەيران قىلغانلىقىنى ئۇقتۇردى.
