كىرېمىل سارىيى تەرىپىدىن ئېلان قىلىنغان باياناتقا ئاساسلانغاندا، رۇسىيە پىرېزىدېنتى ۋلادىمىر پۇتىن يېقىنلىشىۋاتقان پاسخا بايرىمى مۇناسىۋىتى بىلەن، 11-ئاپرېل شۇ جاي ۋاقتى سائەت 13:00 دىن 12-ئاپرېل كۈنىنىڭ ئاخىرىغىچە كۈچكە ئىگە بولىدىغان ئۇكرائىنا بىلەن پاسخا ئۇرۇش توختىتىش قارارى ئېلان قىلغان.

كىرېمىل سارىيى ئاخبارات ۋاسىتىلىرى مۇلازىمەت بۆلۈمى، رۇسىيەنىڭ ئۇكرائىنا تەرەپنىڭمۇ بۇنىڭغا رىئايە قىلىشىنى كۈتىدىغانلىقىنى ئەسكەرتتى.

باياناتتا مۇنداق دېيىلدى:

«رۇسىيە فېدېراتسىيەسى دۆلەت خەۋپسىزلىك كۈچلىرىنىڭ ئالىي قۇماندانى ۋلادىمىر پۇتىننىڭ قارارى بىلەن، يېقىنلىشىۋاتقان ئورتودوكس پاسخا بايرىمى (ئىيسا ئەلەيھىسسالامنىڭ مۇقەددەس تىرىلىشى) مۇناسىۋىتى بىلەن، 11-ئاپرېل سائەت 16:00 دىن 12-ئاپرېل كۈنىنىڭ ئاخىرىغىچە كۈچكە ئىگە بولىدىغان ئۇرۇش توختىتىش ئېلان قىلىندى.»

باياناتتا يەنە، دۆلەت مۇداپىئە مىنىستىرى ئاندرېي بېلوسوۋ ۋە باش ئىشتاب باشلىقى ۋالېرىي گېراسىموۋغا بۇ مەزگىلدە بارلىق فىرونتلاردا ھەربىي ھەرىكەتلەرنى توختىتىش توغرىسىدا بۇيرۇق بېرىلگەنلىكى ئەسكەرتىلىپ مۇنداق دېيىلدى:

«(رۇسىيە) قىسىملىرى دۈشمەننىڭ ئوتتۇرىغا چىققۇسى ئىغۋاگەرچىلىكلىرى ۋە ھۇجۇم خاراكتېرلىك ھەرىكەتلىرىنى بىر تەرەپ قىلىش ئۈچۈن تەييار تۇرۇشى كېرەك. ئۇكرائىنا تەرەپنىڭمۇ رۇسىيە فېدېراتسىيەسىگە ئوخشاش بىر قارار چىقىرىدۇ، دېگەن ئاساستا ھەرىكەت قىلىۋاتىمىز.»