ئىران ئاخبارات ۋاسىتىلىرىنىڭ خەۋەر قىلىشىچە، ئامېرىكا بىلەن ئىسرائىلىيەنىڭ دائىرىسى بارغانسېرى كېڭىيىۋاتقان ھۇجۇملىرى داۋاملىشىۋاتقان بىر پەيتتە، سەيشەنبە كۈنى ئىراننىڭ شىمالىي ۋە غەربىدىكى ئايرودۇرۇملار ۋە نۇرغۇن نۇقتىلار بومباردىمان قىلىنغان.
تېھران ۋە قۇم شەھەرلىرىدە پارتلاشلار يۈز بەرگەن. ئىراننىڭ غەربتىكى ھۈررەمئاباد ئايرودۇرۇمى ۋە شىمالدىكى مېھراباد ئايرودۇرۇمىنى ئۆز ئىچىگە ئالغان مۇھىم ئۇل ئەسلىھەلىرى ھۇجۇمغا ئۇچرىغان.
ئىران دۆلەت تېلېۋىزىيەسى IRIB پايتەختنىڭ بەزى رايونلىرىنىڭ كېچىچە نىشان قىلىنغانلىقىنى، تېھرانپارس ۋە سائادەت ئابادتىكى ئولتۇراق رايونلارنىڭمۇ ھۇجۇمغا ئۇچرىغانلىقىنى خەۋەر قىلدى.
ھاكىم ئاپتوموبىل يولى بويىدىكى بىر ئېلېكتىر ئىستانسىسى ۋە مولاۋى رايونىدىكى سودا دۇكانلىرىمۇ زىيانغا ئۇچرىغان.
نىشان قىلىنغان جايلار ئارىسىدا ئىبادەتخانىمۇ بار
يەرلىك دائىرىلەر قۇم ئەتراپىدىكى ۋە يېزد شەھىرىدىكى بەزى جايلارنىڭمۇ ھۇجۇمغا ئۇچرىغانلىقىنى ۋە ئۇل ئەسلىھەلەرنىڭ ۋەيران بولغانلىقىنى ئېيتتى.
دوكلاتلاردا يەنە تېھراننىڭ ئىنقىلاب رايونىدىكى بىر ئىبادەتخانىنىڭمۇ ھۇجۇمغا ئۇچرىغانلىقى قەيت قىلىندى.
ھۇجۇملاردىن كېيىن ھازىرغىچە ئادەم ئۆلۈش ۋە يارىلىنىش ئەھۋالى كۆرۈلۈپ كۆرۈلمىگەنلىكى ھەققىدە مەلۇمات بېرىلمىدى.
.jpg?width=512&format=webp&quality=80)
