جۇمھۇر رەئىس ئەردوغان: 10 مىليارد دوللاردىن ئارتۇق مۇداپىئە مەھسۇلاتى ئېكسپورت قىلدۇق
ئوچېرىك
2 مىنۇت ئوقۇش
جۇمھۇر رەئىس ئەردوغان: 10 مىليارد دوللاردىن ئارتۇق مۇداپىئە مەھسۇلاتى ئېكسپورت قىلدۇقجۇمھۇر رەئىس رەجەپ تاييىپ ئەردوغان دۆلەت مۇداپىئەسى مەھسۇلاتلىرى ئېكسپورتىنىڭ 10 مىليارد دوللاردىن ئاشقانلىقىنى ۋە سۈنئىي ئەقىل تەرەققىياتىغا غايەت زور مەبلەغ ئاجرىتىلىدىغانلىقىنى بىلدۈردى.
جۇمھۇر رەئىس ئەردوغان: 10 مىليارد دوللاردىن ئارتۇق مۇداپىئە مەھسۇلاتى ئېكسپورت قىلدۇق

«ئەقىللىق تىل مودېلىمىز ئارقىلىق تۈركچە سۈنئىي ئەقىل لايىھەلىرىنىڭ تەرەققىي قىلدۇرۇلۇشىغا ۋە ئوخشاش بولمىغان ساھەلەردە ئومۇملىشىشىغا كاپالەتلىك قىلىمىز.»

جۇمھۇر رەئىس رەجەپ تاييىپ ئەردوغان: «ئۆتكەن يىلى 180 ئوخشاش بولمىغان دۆلەت ۋە رايونغا 10 مىليارد دوللاردىن ئارتۇق دۆلەت مۇداپىئەسى ۋە ئاۋىياتسىيە مەھسۇلاتى ئېكسپورت قىلدۇق» دېدى.

جۇمھۇر رەئىس ئەردوغان ئىستانبۇلدا ئۆتكۈزۈلگەن «TİM 13 - نۆۋەتلىك يېڭىلىق يارىتىش ھەپتىلىكى پىروگراممىسى» غا قاتناشتى.

ئەردوغان بۇ يەردە سۆزلىگەن نۇتىقىدا، تېخنولوگىيە رىقابىتىدە ئارقىدا قېلىشنى خالىمايدىغانلىقلىرىنى تەكىتلەپ مۇنداق دېدى:

«مىللىي تېخنولوگىيە ھەرىكىتىمىز ئارقىلىق دۇنيادا ئاز ساندىكى دۆلەتلەرلا ئىگە بولغان غايەت زور تەتقىق قىلىش – تەرەققىي قىلدۇرۇش ۋە يېڭىلىق يارىتىش ئۇل ئەسلىھەسىنى قۇرۇپ چىقتۇق. 24 يىل ئىلگىرى سانى بارماق بىلەن سانىغۇدەكلا بولغان باغچىلاشقان پەن-تېخنىكا رايونلىرىمىزنىڭ سانى بۈگۈنكى كۈندە 115 كە يەتتى. 2002 - يىلى 1 مىليارد 200 مىليون دوللار بولغان تۈركىيەنىڭ تەتقىق قىلىش – تەرەققىي قىلدۇرۇش خىراجىتىنى 20 مىليارد دوللارغا يەتكۈزدۇق.»

تۈركىيە سۈنئىي ئەقىل ھەرىكەت پىلانى ئارقىلىق سانلىق مەلۇمات مەركەزلىرىنىڭ ئومۇمىي قۇرۇلما كۈچىنى 2030 - يىلىغىچە كەم دېگەندە 1 گىگاۋاتقا يەتكۈزىدىغانلىقلىرىنى قەيت قىلغان ئەردوغان مۇنداق دەپ كۆرسەتتى:

«سانلىق مەلۇمات مەركىزى، بۇلۇت ھېسابلاش ۋە سۈنئىي ئەقىل ئۇل ئەسلىھەلىرىدە خۇسۇسىي ئىگىلىك ساھەسىنىڭ يېتەكچىلىكىدە كەم دېگەندە 10 مىليارد دوللارلىق مەبلەغنى ھەرىكەتكە كەلتۈرىمىز. ئەقىللىق تىل مودېلىمىز ئارقىلىق تۈركچە سۈنئىي ئەقىل لايىھەلىرىنىڭ تەرەققىي قىلدۇرۇلۇشىغا ۋە ئوخشاش بولمىغان ساھەلەردە ئومۇملىشىشىغا كاپالەتلىك قىلىمىز.

ئۆتكەن يىلى 180 ئوخشاش بولمىغان دۆلەت ۋە رايونغا 10 مىليارد دوللاردىن ئارتۇق دۆلەت مۇداپىئەسى ۋە ئاۋىياتسىيە مەھسۇلاتى ئېكسپورت قىلدۇق. 2026 - يىلىنىڭ يانۋار-سېنتەبىر مەزگىلىدە بولسا، ئېكسپورتىمىزنى ئالدىنقى يىلىنىڭ ئوخشاش مەزگىلىگە سېلىشتۇرغاندا % 15.6 ئاشۇرۇپ، 6 مىليارد 900 مىليون دوللارغا يەتكۈزدۇق.»

ئىزدىنىڭ
ئەردوغان: COP31 دىكى قەتئىي ئىرادە پارىژ كىلىمات كېلىشىمىنى ئەمەلىيلەشتۈرۈشكە تۈرتكە بولىدۇ
پاكىستاندا مىنىبۇس دەرياغا قۇلاپ چۈشۈپ كېتىپ، 11 كىشى ھاياتىدىن ئايرىلدى
ترامپ ۋەزىپىسىدىن ئايرىلىشتىن بۇرۇن كۇبا مەسىلىسىنى ھەل قىلماقچى
زېلېنسكىي رۇسىيەنىڭ تارىختىكى ئەڭ چوڭ ئەسىر ئالماشتۇرۇشنى قوبۇل قىلغانلىقىنى ئېيتتى
CENTCOM: «ئىسرائىلىيەنىڭ ئامېرىكا ھۇجۇملىرى داۋاملىشىدۇ، دېگەن داۋاسى قۇرۇق پەرەز
ئىران ئىنقىلابىي مۇھاپىزەتچىلەر قىسمى: ئامېرىكانىڭ بەھرەيندىكى ئاگاھلاندۇرۇش رادارىغا زەربە بەردۇق
مالاتيادا يۈز بەرگەن تىك ئۇچار ھادىسىسىدە تۆت ئەسكەر شېھىت بولدى
ياۋروپا ئىتتىپاقى: بىزنىڭ خەۋپسىزلىكىمىز شۈبھىسىزكى ئۇكرائىنانىڭ خەۋپسىزلىكىگە مۇناسىۋەتلىك
ئامېرىكانىڭ ئىسرائىلىيەنى ئىرانغا قىلىنىدىغان يېڭى ھۇجۇملارغا تەييار تۇرۇشقا ئۈندىگەنلىكى بىلدۈرۈلدى
تۈركىيە بىلەن خىتاي ئوتتۇرىسىدا ئېنېرگىيە ساھەسىدە مەبلەغ سېلىش كېلىشىمى ئىمزالاندى
ئەلىيېۋ بىلەن زېلېنىسكىي دۇبلىندا كۆرۈشتى
خىتاي: ئامېرىكا جاسۇسلۇق ھەققىدىكى دەۋالارنى تېخنىكا چەكلىمىلىرىگە باھانە قىلىۋاتىدۇ
ئامېرىكا ۋە خىتاي رۇسىيە سۆھبىتىدە يادرو قورالسىزلىنىشنى ئوتتۇرىغا قويىدۇ
تۈركىيەلىك سەنئەتكارلار ۋە تەنھەرىكەتچىلەر كىلىمات كىرىزىسىغا قارشى دەرھال ھەرىكەتكە ئۆتۈشكە چاقىردى
غەززەدە ناسىر دوختۇرخانىسى ۋەھشىيانە ھۇجۇمغا ئۇچرىدى