شاڭخەي ھەمكارلىق تەشكىلاتىغا ئەزا دۆلەتلەرنىڭ دۆلەت ۋە ھۆكۈمەت باشلىقلىرى قاتناشقان باشلىقلار يىغىنى قىرغىزىستان پايتەختى بىشكەكتە باشلاندى. يىغىننى قىرغىزىستان پىرېزىدېنتى سادىر جابباروۋ ئېچىپ بېرىپ، ئۆزبېكىستاننىڭ 1-سېنتەبىر مۇستەقىللىق كۈنىنى تەبرىكلىدى ۋە مىرزىيويېۋنىڭ يىغىنغا قاتناشقانلىقىدىن خۇشاللىقىنى بىلدۈردى. جابباروۋ تەشكىلاتنىڭ قۇرۇلغانلىقىنىڭ 25 - يىللىقىغا توغرا كەلگەن بۇ يىغىننىڭ « شاڭخەي ھەمكارلىق تەشكىلاتىنىڭ 25 - يىلى: سىجىل تىنچلىق، تەرەققىيات ۋە پاراۋانلىق ئۈچۈن بىرلىكتە» دېگەن شۇئار ئاستىدا ئۆتكۈزۈلۈۋاتقانلىقىنى تەكىتلىدى.
جابباروۋ تەشكىلاتنىڭ دۇنيا نوپۇسىنىڭ %40 تىن كۆپرەكىگە ۋەكىللىك قىلىدىغان يەر شارى خاراكتېرلىك ئاكتىيورغا ئايلانغانلىقىنى تىلغا ئالدى. يىغىنغا رۇسىيە پىرېزىدېنتى پۇتىن، خىتاي پىرېزىدېنتى شى جىنپىڭ، ھىندىستان باش مىنىستىرى نارېندرا مودى، ئىران پىرېزىدېنتى مەسئۇد پەزەشكىيان، پاكىستان باش مىنىستىرى شاھباز شېرىف ۋە باشقا ئەزا دۆلەتلەرنىڭ رەھبەرلىرى قاتناشتى. يىغىن ئاخىرىدا «بىشكەك خىتابنامىسى» ئىمزالىنىدۇ. يىغىندىن كېيىن، جۇمھۇر رەئىس رەجەپ تاييىپ ئەردوغان قاتنىشىدىغان «شاڭخەي ھەمكارلىق تەشكىلاتى» باشلىقلار يىغىنى باشلىنىدۇ. تۈركىيە 2012-يىلىدىن بۇيان مەزكۇر تەشكىلاتنىڭ «دىيالوگ شېرىكى» بولۇپ كەلمەكتە.
