تۈركىيە جۇمھۇرىيىتى تاشقى ئىشلار مىنىستىرلىقى قىرغىنچى ئىسرائىلىيەنىڭ غەززەگە قاراتقان ھۇجۇملىرىغا ئائىت بايانات ئېلان قىلدى.
مىنىستىرلىق ئېلان قىلغان باياناتىدا تۆۋەندىكى سۆزلەرگە ئورۇن ئاجراتتى:
«غەززە تىنچلىق پىلانىنى ئەمەلگە ئېشىش ئىمكانىيەتكە ئىگە قىلىدىغان يول خەرىتىسى ئۈستىدە بىرلىككە كېلىنگەندىن كېيىنمۇ، ئىسرائىلىيەنىڭ غەززەدە 30 دىن ئارتۇق پۇقرانى قەتلى قىلىشى ۋە سەھىيە ئەسلىھەلىرىنى نىشانغا ئېلىشى نېتانياھۇ ھۆكۈمىتىنىڭ پەلەستىنلىكلەر بىلەن تىنچلىق ئورنىتىش نىيىتىنىڭ يوقلىقىنى يەنە بىر قېتىم كۆرسىتىپ بەردى.
نېتانياھۇنىڭ بىردىن بىر مەقسىتى پەلەستىنلىكلەرنى ئۆز يۇرتلىرىدىن قوغلاپ چىقىرىش ۋە رايوندا تىنچلىق ھەم مۇقىملىقنىڭ ئورنىتىلىشىغا توسالغۇ بولۇشتۇر. بۇ يۆنىلىشتە رايوندىكى نازۇك تەڭپۇڭلۇقلارنى بۇزىدىغان قەدەملەرنى ئېلىشتىن ھەمدە ئامېرىكا قاتارلىق مۇرەسسەچى دۆلەتلەرنىڭ تەشەببۇسلىرىغا بۇزغۇنچىلىق قىلىشتىن يانمايۋاتىدۇ.
ئوتتۇرا شەرقنىڭ ھەممىسىنى توقۇنۇش مەيدانىغا ئايلاندۇرۇشنى خالايدىغان نېتانياھۇنىڭ كېڭەيمىچى ۋە مىلىتارىستىك چۈشەنچىسىگە قارشى خەلقئارا جەمئىيەتنىڭ تېخىمۇ قەتئىي، ئىشەنچلىك ۋە كۈچكە ئىگە پوزىتسىيە بىلدۈرۈشى ئەمدى بىر مەجبۇرىيەتكە ئايلاندى.
رايونىمىزنىڭ ۋە پەلەستىننىڭ ئامانلىققا ھەم گۈللىنىشكە ئېرىشىشىنى قوللايدىغان بارلىق دۆلەتلەرنى ئورتاق مەسئۇلىيەت ئېڭى بىلەن ھەرىكەت قىلىشقا، خەلقئارا قانۇنغا ۋە ئىنسانپەرۋەرلىك قىممەتلەرگە ئىگە چىقىشقا چاقىرىمىز.»
