پاكىستاننىڭ شىمالىدىكى كوهات شەھىرىگە جايلاشقان تارىخىي ساقچىخانىدا پارتلاش يۈز بەردى. دەسلەپكى مەلۇماتلارغا قارىغاندا، ۋەقەدە سەككىز كىشى ھاياتىدىن ئايرىلغان، 35 كىشى يارالانغان.
خەيبەر-پاختونخۋا ئۆلكىسىدىكى كونا ساقچى مەھەللىسى رايونىدا يۈز بەرگەن پارتلاشتىن كېيىن، ئىزدەش-قۇتقۇزۇش ئەترەتلىرى دەرھال ھەرىكەتكە ئۆتتى.
ئۆلكىلىك دۆلەت خەۋپسىزلىك كۈچلىرىنىڭ مەسئۇلى زۇلفىقار ھامىد پارتلاشتا سەككىز كىشىنىڭ ئۆلگەنلىكىنى، 35 كىشىنىڭ يارلانغانلىقىنى دەلىللىدى. بىراق ئۇ ھاياتىدىن ئايرىلغانلارنىڭ قانچىسىنىڭ ساقچى، قانچىسىنىڭ پۇقرا ئىكەنلىكى ھەققىدە تەپسىلىي مەلۇمات بەرمىدى. ھامىد پارتلاشقا مۇناسىۋەتلىك تەكشۈرۈشلەرنىڭ داۋاملىشىۋاتقانلىقىنى بىلدۈردى.
ھازىرچە ھۇجۇمنىڭ جاۋابكارلىقىنى ئۆز ئۈستىگە ئالغان ھېچقانداق تەشكىلات چىقمىدى.
مەزكۇر رايوندا پاكىستان تالىبانلىرى دائىم زوراۋانلىق ھەرىكەتلىرىنى ئېلىپ بارىدۇ.
پاكىستان پىرېزىدېنتى ئاسىف ئەلى زەردارى پارتلاشتىن كېيىن ئېلان قىلغان باياناتىدا، ھاياتىدىن ئايرىلغانلار سەۋەبىدىن چىن دىلىدىن قايغۇرىدىغانلىقىنى بىلدۈردى ۋە يارىلانغانلارنىڭ تېزرەك ئەسلىگە كېلىشىگە تىلەكداشلىق بىلدۈردى.
