ئامېرىكا پىرېزىدېنتى دونالد ترامپ ھورمۇز بوغۇزى ئەتراپىدا چۈشۈپ كەتكەن ئامېرىكانىڭ تىك ئۇچار ئايروپىلانىدىكى ئۇچقۇچىلارنىڭ ئەھۋالىنىڭ ياخشى ئىكەنلىكىنى بىلدۈردى.
ترامپ دۈشەنبە كۈنى كەچتە جون ف. كېننېدى خەلقئارا ئايرودۇرۇمىدا NBA ھەل قىلغۇچ مۇسابىقىسىنى كۆرۈپ بولغاندىن كېيىن، مۇخبىرلارنىڭ سوئاللىرىغا جاۋاب بەردى.
New York Times گېزىتى، ئامېرىكا ئارمىيەسىگە تەۋە بىر «ئاپاچى» (Apache) تىپلىق ھۇجۇمچى تىك ئۇچار ئايروپىلاننىڭ ھورمۇز بوغۇزى ئەتراپىدا نامەلۇم سەۋەب بىلەن چۈشۈپ كەتكەنلىكىنى خەۋەر قىلغان ئىدى.
ئىران بىلەن ئىسرائىلىيەنىڭ دۈشەنبە كۈنى ئۆزئارا ئوق چىقىرىشىدىن كېيىن يۈز بەرگەن بۇ ۋەقە، ئىرانغا قارىتا 28-فېۋرالدىن بۇيان داۋاملىشىۋاتقان ئۇرۇشنى ئاخىرلاشتۇرۇش ئۈچۈن ھاسىل قىلىنغان ئۇرۇش توختىتىشنى مۇستەھكەملەش سۆھبەتلىرىنى خەتەرگە ئىتتىردى.
خەۋەردە، «ئاپاچى» تىك ئۇچار ئايروپىلانىنىڭ ئىران تەرەپنىڭ ئوق چىقىرىشى نەتىجىسىدە چۈشۈپ كەتكەنلىكى، تېخنىكىلىق كاشىلا كۆرۈلگەنلىكى ياكى باشقا بىر مەسىلىگە دۇچ كەلگەنلىكىنىڭ تېخى ئېنىق ئەمەسلىكى قەيت قىلىندى.
ئاقساراي، ئامېرىكا تاشقى ئىشلار مىنىستىرلىقى ۋە ئامېرىكا مەركىزىي قوماندانلىق ئىشتابى (CENTCOM) بۇ مەسىلە توغرىسىدا ھېچقانداق پىكىر بىلدۈرمىدى.
