ئىران ئورگان خەۋەر ئاگېنتلىقى IRNA نىڭ خەۋىرىگە ئاساسلانغاندا، قالىباف پارلامېنتنىڭ ئاخباراتقا ئوچۇق يىغىنىدا كۈنتەرتىپكە ئالاقىدار باھالاشلاردا بولغان.
ئامېرىكىلىقلارنىڭ مەتبۇئاتلاردا ئورۇن ئالغان باياناتلىرىنىڭ ئەكسىچە مۇرەسسەچىلەر ئارقىلىق ئىرانغا تەكلىپ سۇنغانلىقىنى ئېيتقان قالىباف: «تاق تەرەپلىمە تەلەپلەردە بولۇش دەۋرىنىڭ ئاخىرلاشقانلىقىنى ۋە ئىران سۇنغان 7 شەرت ئىجرا قىلىنمىغۇچە ھورمۇز بوغۇزىنىڭ ئېچىلمايدىغانلىقىنى بىلىشى كېرەك» دېدى.
قالىباف ئامېرىكانىڭ ئىراننىڭ قەتئىيلىكىنى ياخشى بىلىدىغانلىقىنى ۋە ئىچكى جەمئىيەتتە پىكىر يارىتىش ئۈچۈن ئىقتىسادىي بېسىم ۋە ھەربىي ھەرىكەتلەرگە قوشۇمچە سۈپىتىدە تەھدىت سۆزلىرىنى كۆپەيتكەنلىكىنى ئىلگىرى سۈردى.
دۆلىتىنىڭ ئىجتىمائىي تاراتقۇلاردا ئورۇن ئالغان تەھدىت خاراكتېرلىك باياناتلارغا قاراپ ئەمەس، بەلكى ئەمەلىيەتلەرگە ئاساسەن سىياسەت بەلگىلەيدىغانلىقىنى ئېيتقان قالىباف ئامېرىكىلىقلار قىلغان «زىددىيەتلىك» باياناتلارنىڭ ئىران خەلقىنىڭ زېھنىنى قايمۇقتۇرۇشنى مەقسەت قىلىدىغانلىقىنى تىلغا ئالدى.
ئىران ۋەكىللەر ئۆمىكى، بىرلەشكەن دۆلەتلەر تەشكىلاتى ئومۇمىي كېڭىشى يىغىنى مەزگىلىدە ئامېرىكىدا، ھورمۇز بوغۇزىنىڭ ئېچىلىشىغا ئالاقىدار قاتارنىڭ مۇرەسسەچىلىكىدە 7 شەرت سۇنغان ئىدى.
ئەمما ئامېرىكا پىرېزىدېنتى دونالد ترامپ ئىراننىڭ شەرتلىرىنى قوبۇل قىلمايدىغانلىقىنى ئېلان قىلغان ئىدى.
