ئىران بەش ئەرەب دۆلىتىنى ئەيىبلىدى

ئىراننىڭ بىرلەشكەن دۆلەتلەر تەشكىلاتىدا تۇرۇشلۇق دائىمىي ۋەكىلى؛ سەئۇدى ئەرەبىستان، ئەرەب بىرلەشمە خەلىپىلىكى، بەھرەين، قاتار ۋە ئىيوردانىيەنىڭ ئامېرىكا-ئىسرائىلىيەنىڭ ئىرانغا قاراتقان ھۇجۇملىرىغا شارائىت يارىتىپ بېرىش ئارقىلىق «مەجبۇرىيەتلىرىگە خىلاپلىق قىلغانلىقىنى» ئىلگىرى سۈردى.

ئىران؛ سەئۇدى ئەرەبىستان، ئەرەب بىرلەشمە خەلىپىلىكى، بەھرەين، قاتار ۋە ئىيوردانىيەنى ئامېرىكا قوشما ئىشتاتلىرى ۋە ئىسرائىلىيەنىڭ ئۆز زېمىنىغا قاراتقان ھۇجۇملىرىغا قاتناشقانلىق  بولىدۇ، دەپ ئەيىبلەپ، بۇ دۆلەتلەردىن تۆلەم تەلەپ قىلدى.

دۈشەنبە كۈنى بىرلەشكەن دۆلەتلەر تەشكىلاتى باش كاتىپى ئانتونىيو گۇتېررېس ۋە بىرلەشكەن دۆلەتلەر تەشكىلاتى خەۋپسىزلىك كېڭىشى رەئىسى جامال فارېس ئەلرۇۋائىيگە خەت يازغان ئىراننىڭ بىرلەشكەن دۆلەتلەر تەشكىلاتىدا تۇرۇشلۇق ئەلچىسى ئەمىر سەئىد ئىراۋانى، مەزكۇر دۆلەتلەرنىڭ ئامېرىكا-ئىسرائىلىيەنىڭ ئىرانغا قىلغان ھۇجۇملىرىغا ئىمكانىيەت يارىتىپ بېرىش ئارقىلىق «خەلقئارا مەجبۇرىيەتلىرىنى دەپسەندە قىلغانلىقىنى» ئىلگىرى سۈردى. ئىراۋانى بۇ دۆلەتلەرنىڭ جاۋابكارلىققا تارتىلىشى ۋە ئۇرۇش جەريانىدا كۆرۈلگەن زىيانلار ئۈچۈن تۆلەم تۆلىشى كېرەكلىكىنى بىلدۈردى.

رايونلۇق توقۇنۇشلار ۋە ئېغىر تالاپەتلەر

رايوندىكى جىددىيچىلىك 28-فېۋرالدا ئامېرىكا قوشما ئىشتاتلىرى ۋە ئىسرائىلىيەنىڭ ئىرانغا قاراتقان ئورتاق ھاۋا ھۇجۇمى تېخىمۇ بىلەن كەسكىنلىشىپ كەتكەن ئىدى. تېھران ھاكىمىيىتى بولسا ئۆتكەن ھەپتە ئېلان قىلىنغان ئىككى ھەپتىلىك ئۇرۇش توختىتىش كېلىشىمىدىن ئىلگىرى، ئىسرائىلىيە، ئىراق، ئىيوردانىيە ۋە ئامېرىكا ئارمىيەسىنىڭ ھەربىي بازىلىرى جايلاشقان پارىس قولتۇقى دۆلەتلىرىگە ھۇجۇم قىلىش ئارقىلىق جاۋاب قايتۇرغان ئىدى. رايون مىقياسىدا يۈز بەرگەن بۇ توقۇنۇشلاردا مىڭلىغان كىشى ھاياتىدىن ئايرىلدى ۋە يارىلاندى.

ديپلوماتىك تىرىشچانلىقلاردىن ھېچقانداق نەتىجە ھاسىل قىلىنالمىدى

ديپلوماتىك تەرەپتە بولسا، ئىران ۋە ئامېرىكا قوشما ئىشتاتلىرى ھەيئەتلىرى يەكشەنبە كۈنى ئەتىگەن تەرەپلەردە پاكىستاننىڭ پايتەختى ئىسلامابادتا ئۇدا 21 سائەت داۋاملاشقان سۆھبەتنى ئاخىرلاشتۇردى. ئەمما ئىككى تەرەپنىڭ بىر كېلىشىم ھاسىل قىلالمىغانلىقى بىلدۈرۈلدى.