يەرلىك سەھىيە مەسئۇلى رىتا نېبراسكا (Rita Nebraska) بولىۋىيە تېلېۋىزىيە قانىلىغا بەرگەن باياناتىدا، بولىۋىيەدىكى بىر ھەربىي بازىدا يۈز بەرگەن پارتلاشتا 10 دىن 15 كىچە ئادەمنىڭ جېنىدىن ئايرىلغانلىقىنى بىلدۈردى.مۇداپىئە مىنىستىرى ئېرنېستو جۇستىنىيانو (Ernesto Justiniano) جۈمە (2026-يىلى 4-سېنتەبىر) كۈنى كەچتە، غەربتىكى ۋىئاچا شەھىرىدىكى ھەربىي لاگېردا يۈز بەرگەن پارتلاشتا ئاز دېگەندە 58 كىشىنىڭ يارىلانغانلىقىنى، ئۇلارنىڭ كۆپىنچىسىنىڭ پۇقرالار ئىكەنلىكىنى ئېيتتى.مىنىستىر فەيسبۇكتا (Facebook) يازغان يازمىسىدا، پارتلاشنىڭ چۈشتىن كېيىن 2:30 ئەتراپىدا (گىرىنۋىچ ۋاقتى 18:30) ئوق-دورا ساقلىنىدىغان بىر جايدا يۈز بەرگەنلىكىنى، يارىلانغانلارنىڭ 52 نەپىرىنىڭ پۇقرا، قالغانلىرىنىڭ ھەربىي خادىملار ئىكەنلىكىنى ئەسكەرتتى.ئىجتىمائىي تاراتقۇلاردا ھەمبەھىرلەنگەن سىنلاردا، شەھەر مەركىزىگە جايلاشقان ھەربىي لاگېردىن قويۇق قارا تۈتۈنلەرنىڭ ئۆرلەۋاتقانلىقى كۆرۈلدى.جۇستىنىيانو قۇتقۇزۇش خادىملىرىنىڭ يارىلانغانلارغا ياردەم قىلىۋاتقانلىقىنى ۋە ئۇلارنىڭ ئائىلە-تاۋابىئاتلىرىغا ھەمراھ بولۇۋاتقانلىقىنى بىلدۈردى.دۆلەت مۇداپىئە مىنىستىرلىقى بۇنىڭدىن ئىلگىرىكى باياناتىدا، ئۇل-ئەسلىھەلەرنىڭ زىيانغا ئۇچرىغانلىقىنى، ئەمما ئادەم ئۆلۈش-يارىلىنىش ۋەقەسىنىڭ يۈز بەرمىگەنلىكىنى خەۋەر بىلدۈرگەن ئىدى.نۆۋەتتە پارتلاش سەۋەبى ئۈستىدە تەكشۈرۈش باشلاندى.ۋىياچا شەھىرى بولىۋىيەنىڭ مەمۇرىي پايتەختى لا پازنىڭ (La Paz) تەخمىنەن 30 كىلومېتىر غەربىي جەنۇبىغا جايلاشقان بولۇپ، نوپۇسى 100 مىڭ ئەتراپىدا.
