خەلقئارا
2 مىنۇت ئوقۇش
جەنۇبىي كورېيە: شىمالىي كورېيە شەرقىي دېڭىز تەرەپكە باللىستىك باشقۇرۇلىدىغان بومبىلارنى ئاتتى
جەنۇبىي كورېيە ھۆكۈمىتى شىمالىي كورېيەنىڭ شەرقىي دېڭىز (ياپون دېڭىزى) تەرەپكە قارىتىپ بىر نەچچە باللىستىك باشقۇرۇلىدىغان بومبا ئاتقانلىقىنى ئېلان قىلدى.
جەنۇبىي كورېيە: شىمالىي كورېيە شەرقىي دېڭىز تەرەپكە باللىستىك باشقۇرۇلىدىغان بومبىلارنى ئاتتى
(ئارخىپ) شىمالىي كورىيە شەرقىي دېڭىز يۆنىلىشىگە باللىستىك باشقۇرۇلىدىغان بومبىلارنى ئاتتى

يونخاپ خەۋەر ئاگېنتلىقىنىڭ خەۋىرىگە قارىغاندا، جەنۇبىي كورېيە باش ئىشتابى بايانات ئېلان قىلىپ، شىمالىي كورېيە ئاتقان باللىستىك باشقۇرۇلىدىغان بومبىلارنىڭ دېڭىزغا چۈشۈشتىن ئىلگىرى 900 كىلومېتىردىن ئارتۇق مۇساپىنى بېسىپ ئۆتكەنلىكىنى بىلدۈردى.

باياناتتا، دەسلەپكى بايقاشلارنىڭ بۇ ھەرىكەتنىڭ سېئۇل ھۆكۈمىتى ئۆز دۆلىتىدە تەتقىق قىلىپ ياساپ چىققان گىپېرسونىك باشقۇرۇلىدىغان بومبا سىستېمىسىنى سىناق قىلىشىغا بولغان نارازىلىقىنى ئىپادىلەش ۋە ئۆزىنىڭ باشقۇرۇلىدىغان بومبا ئىقتىدارىنى قەستەن نامايان قىلىش مەقسىتىدە ئېلىپ بېرىلغان بولۇشى مۇمكىنلىكىنى كۆرسىتىدىغانلىقى قەيت قىلىندى.

بومبىلارنىڭ گىپېرسونىك ياكى ئوتتۇرا مۇساپىلىق ئىكەنلىكىنى ئېنىقلاش ئۈچۈن، تېخىمۇ كۆپ تەھلىل ئېلىپ بېرىش كېرەكلىكى بىلدۈرۈلدى.

كيودو خەۋەر ئاگېنتلىقىنىڭ خەۋىرىگە قارىغاندا، ياپونىيە دىپلوماتىك يوللار ئارقىلىق شىمالىي كورېيەگە نارازىلىق بىلدۈرگەن. ياپونىيە بىرلەشكەن دۆلەتلەر تەشكىلاتى خەۋپسىزلىك كېڭىشىنىڭ ئالاقىدار قارارلىرىغا خىلاپ بۇ باشقۇرۇلىدىغان بومبا قويۇپ بېرىش ھەرىكەتلىرىنى «قاتتىق ئەيىبلىگەنلىكى»نى ئېلان قىلغان.

ئامېرىكا تىنچ ئوكيان قوماندانلىق ئىشتابىنىڭ باياناتى

ئامېرىكا تىنچ ئوكيان قوماندانلىق ئىشتابىمۇ بۇ ھەقتە يازما بايانات ئېلان قىلىپ: «كورېيە دېموكراتىك خەلق جۇمھۇرىيىتى 12-ئۆكتەبىردە ئىككى باللىستىك باشقۇرۇلىدىغان بومبا قويۇپ بەردى. بىز بۇنىڭدىن خەۋەردار، ئىتتىپاقداشلىرىمىز ۋە شېرىكلىرىمىز بىلەن زىچ ئالاقىلىشىۋاتىمىز» دېدى.

باياناتتا، بۇ بومبىلارنىڭ ئامېرىكا خادىملىرى ياكى ئىتتىپاقداشلىرىغا دەرھال تەھدىت شەكىللەندۈرمەيدىغانلىقى قەيت قىلىنىپ: «ئامېرىكا ئۆز زېمىنى ۋە رايوندىكى ئىتتىپاقداشلىرىنى قوغداش ۋەدىسىدە چىڭ تۇرىدۇ» دېگەن ئىبارىلەرگە ئورۇن بېرىلدى.

شىمالىي كورېيە 3-ئۆكتەبىردىمۇ شەرقىي دېڭىز تەرەپكە بىر باللىستىك باشقۇرۇلىدىغان بومبا ئاتقانىدى. شىمالىي كورېيە رەھبىرى كىم جوڭئۇن دۆلىتىنىڭ «گىپېرسونىك ئىستراتېگىيەلىك قورال سىستېمىسى» دائىرىسىدىكى ئوتتۇرا مۇساپىلىق ئىستراتېگىيەلىك باشقۇرۇلىدىغان بومبا سىنىقىغا نازارەتچىلىك قىلغانىدى.

جەنۇبىي كورېيە پىرېزىدېنتى لى جەميۇڭ 1-ئۆكتەبىردىكى باياناتىدا، شىمالىي كورېيە بىلەن بولغان ھەربىي جىددىيچىلىكنى پەسەيتىش ۋە ئىككى دۆلەت ئوتتۇرىسىدا ئىشەنچ ئورنىتىش ئۈچۈن كونكرېت قەدەملەرنى داۋاملىق تاشلايدىغانلىقىنى بىلدۈرگەنىدى.

ئىزدىنىڭ
بىر ۋارىل برېنت نېفىتى 103.96 دوللاردىن سېتىلماقتا
سۈنئىي ئەقىلنىڭ ئاتىسى گېئوففرېي ھىنتون: ئەسلا تەرەققىي قىلدۇرۇلمىغان بولسا تېخىمۇ ياخشى بولاتتى
ئىران پارلامېنت باشلىقى: ئامېرىكا خەلقى ئۇرۇشقا ياق دېدى، بىز بۇ ئۇچۇرنى قوللايمىز
2026-يىللىق ئامېرىكا ئوتتۇرا مەزگىللىك سايلىمى: دېموكراتلار كېڭەش پالاتاسىدا كۆپ سانلىقنى ئىگىلىدى
ياۋروپالىق ئوت ئۆچۈرگۈچىلەر بىريۇسسېلدا خامچوت قىسقارتىشقا قارشى نامايىش ئۆتكۈزدى
كىرېمىل: پۇتىن، ترامپ ۋە شى ئوتتۇرىسىدا كۆرۈشۈش تەييارلىقى داۋاملاشماقتا
تېھراندىكى ئىنقىلاب مەيدانىغا ترامپنى قەستلەش نىشان قىلىنغان پىلاكات ئېسىلدى
رۇسىيە تۈرك دۆلەتلىرى تەشكىلاتى خىزمىتىگە قاتنىشىشقا يېشىل چىراغ ياقتى
شىمالىي كورېيە «باينەنس»تىكى ئوغرىلىققا چېتىشلىقى بار دېگەن ئەيىبلەشلەرنى رەت قىلدى
ئىران ئارمىيەسى: ئامېرىكا يەنە ھۇجۇم قىلسا، ئۇرۇش پەقەت غەربىي ئاسىيا بىلەنلا چەكلىنىپ قالمايدۇ
ئامېرىكا تاراتقۇلىرى: ئامېرىكا قىسىملىرى ئىراننىڭ قەشم ئارىلىغا «چەكلىك» زەربە بەردى
ئامېرىكا ئەبۇزەبىدە ئۆتكۈزۈلىدىغان رۇسىيە-ئۇكرائىنا تىنچلىق سۆھبىتىگە مۇرەسسەچىلىك قىلىدۇ
بېلەت تاشلاش باشلاندى: نەتىجە ترامپنىڭ قالغان ئىككى يىللىق ۋەزىپە مۇددىتىگە تەسىر كۆرسىتىدۇ
رۇسىيە: ئىرانغا قارىتىلغان يېڭى ھەربىي ھۇجۇم پىلانلىرى ھەققىدىكى خەۋەرلەر قاتتىق ئەندىشە قوزغىماقتا
كارنېي بىلەن ترامپ ئىككى دۆلەتنىڭ سودا مۇناسىۋىتى ئۈستىدە سۆھبەتلەشتى