ئىران تاشقى ئىشلار مىنىستىرلىقىنىڭ باياناتچىسى ئىسمائىل بەقايى دۆلىتىگە قىلىنغان ھۇجۇملار ۋە ناتونىڭ رولى توغرىسىدا توختىلىپ: «ناتو باش كاتىپى مارك رۇتتېنىڭ باياناتلىرى ياۋروپانىڭ ئىرانغا قىلىنغان ئۇرۇشقا قاتناشقانلىقىنىڭ ئېتىراپىدۇر» دېدى.
بەقايى ئامېرىكا مەركەزلىك X ئىجتىمائىي ئالاقە سۇپىسىدىكى ھېسابىدا رۇتتېنىڭ سۆزىنى ھەمبەھىرلەپ، ناتو ۋە ياۋروپانىڭ ئىرانغا قارىتىلغان ھۇجۇملارغا قاتناشقانلىقىنى بىلدۈردى.
«ناتو باش كاتىپى مارك رۇتتېنىڭ بايانلىرى، ياۋروپانىڭ ئىرانغا قارىتىلغان ھۇجۇملارغا ئاڭلىق ھالدا قاتناشقانلىقىنىڭ ئېتىراپىدۇر» دېگەن بەقايى، ياۋروپا ئىتتىپاقىغا ئەزا دۆلەتلەر بىلەن ناتو ئەزالىرىنىڭ ئامېرىكا ۋە ئىسرائىلىيەنىڭ ئىرانغا قىلغان ھۇجۇملىرى سەۋەبىدىن ھېساب بېرىشى كېرەكلىكىنى تەكىتلىدى.
بەقايى يەنە، ئۇرۇش سەۋەبىدىن ئۆرلىگەن يېقىلغۇ باھاسى ۋە باشقا قىيىنچىلىقلارنى كۆزدە تۇتۇپ، ياۋروپا دۆلەتلىرىنىڭ بۇ ئۇرۇشنى قوللاش نۇقتىسىدىكى رولىنىڭ تەكشۈرۈلۈشى كېرەكلىكىنى بىلدۈردى.
رۇتتې ئۆزى قاتناشقان بىر مۇھاكىمە يىغىنىدا، ئامېرىكا ۋە ئىسرائىلىيەنىڭ 28-فېۋرالدا ئىرانغا باشلىغان ھۇجۇمىدىن كېيىن ياۋروپادىكى بازىلاردىن 5 مىڭ قېتىم ئۇچۇش ئېلىپ بېرىلغانلىقىنى قەيت قىلغان ئىدى.
