باياناتتا: «ئىسرائىلىيە تاشقى ئىشلار مىنىستىرلىقى تەرىپىدىن ئېلان قىلىنغان باياناتتا تۈركىيە جۇمھۇر رەئىسى ھۇجۇم نىشانى قىلىنغان يالغان ۋە تۆھمەتلەر، نېتانياھۇ باشچىلىقىدىكى ئىسرائىلىيە ھۆكۈمىتىدە ۋەزىپە ئۆتەۋاتقان جىنايەتچىلەر مۇبتىلا بولغان قورقۇنچاقلىق ۋە چىرىگەن زېھنىيەتنى ئەكس ئەتتۈرمەكتە» دېيىلدى.
تۈركىيە تاشقى ئىشلار مىنىستىرلىقى، ئىسرائىلىيە تاشقى ئىشلار مىنىستىرلىقىنىڭ جۇمھۇر رەئىس رەجەپ تاييىپ ئەردوغاننى ھۇجۇم نىشانى قىلغان باياناتىغا نارازىلىق بىلدۈردى.
مىنىستىرلىقتىن ئېلان قىلىنغان باياناتتا مۇنداق دېيىلدى:
«ئىسرائىلىيە تاشقى ئىشلار مىنىستىرلىقى تەرىپىدىن ئېلان قىلىنغان باياناتتا جۇمھۇر رەئىسىمىزنى نىشان قىلغان يالغان ۋە تۆھمەتلەر، نېتانياھۇ باشچىلىقىدىكى ئىسرائىلىيە ھۆكۈمىتىدە ۋەزىپە ئۆتەۋاتقان جىنايەتچىلەر مۇبتىلا بولغان قورقۇنچاقلىق ۋە چىرىگەن زېھنىيەتنى ئەكس ئەتتۈرمەكتە.
غەززەدە ۋەھشىيانە ئىرقىي قىرغىنچىلىق قىلىپ، پۈتكۈل ئىسرائىلىيە خەلقىگە تارىخىي بىر نومۇس ئېلىپ كەلگەن، ھەمدە زامانىۋى ئوتتۇرا شەرىق تارىخىدا كۆرۈلمىگەن بىر كېڭەيمىچىلىكنى نامايان قىلىپ، رايوننىڭ ۋە يەرشارىنىڭ مۇقىمسىزلىقنى كەلتۈرۈپ چىقىرىشنىڭ باش مەسئۇلى بولغان نېتانياھۇ ۋە جىنايەت تورى ئىگە بولغان دەخلىزسىزلىكلەر ھەم قانۇنىي ھەم سىياسىي جەھەتتىن يوققا چىقماقتا.
گۆببېلس (Goebbels) نىڭ تەتۈر تەشۋىقات ماشىنىسىغا ئوخشاش ئىشلەيدىغان ئىسرائىلىيە ئورگانلىرىنىڭ تىرىشچانلىقلىرى ئەمدى يېتەرلىك بولمايۋاتىدۇ، خەلقئارا جەمئىيەت نېتانياھۇ ھۆكۈمىتىنىڭ يالغانلىرىغا ئىشەنمەيدۇ.
تۈركىيە جۇمھۇر رەئىسىمىزنىڭ رەھبەرلىكىدە، نېتانياھۇ دەۋرىدە سادىر قىلىنغان جىنايەتلەرگە قارشى سەمىمىي ۋە قەتئىي بىر پوزىتسىيە نامايان قىلدى. بۇنىڭدىن كېيىنمۇ ھەقىقەتلەرنى قوغداشنى ۋە تىلغا ئېلىشنى داۋاملاشتۇرىمىز»
