مىسىر بىلەن ئاۋستىرالىيە ئوتتۇرىسىدىكى مۇسابىقە قوشۇپ بېرىلگەن ۋاقىتتا 1-1 تەڭلىشىپ قالغاندىن كېيىن، مىسىر كوماندىسى 11 قەدەمدىن تېپىشتا 2 گە قارشى 4 نەتىجە غەلىبە قىلىپ، دۇنيا لوڭقىسىنىڭ 16 كۈچلۈك تاللاش باسقۇچىغا كىردى؛ ھۈسەيىن ئابدۇلمەجىد ئاۋستىرالىيە كوماندىسىنىڭ ۋاراتاسىغا ھەل قىلغۇچ بىر توپ كىرگۈزدى.
جۈمە (2026-يىلى 3-ئىيۇل) كۈنى ئۆتكۈزۈلگەن بۇ مۇسابىقىدە، مىسىر ماھىرى ئىمام ئاشۇرنىڭ دەسلەپتە كىرگۈزگەن توپىنى، ئىككىنچى مەيداندا مۇھەممەد ھانىنىڭ ئۆز ۋاراتاسىغا كىرگۈزۈپ قويغان توپى يوققا چىقارغان بولۇپ، مۇسابىقە ئۇزارتىلغان ئىدى.
مىسىر ماھىرى مۇھەممەد ھانى كاللا توپ بىلەن ئۆز ۋاراتاسىغا كىرگۈزۈپ قويغان توپى، بۇ نۆۋەتلىك مۇسابىقىدە ئۆز ۋاراتاسىغا كىرگۈزۈلگەن ئىككىنچى توپ ھېسابلىنىدۇ.
مىسىرنىڭ دۇنيا لوڭقىسى شاللاش مۇسابىقىسىدىكى تۇنجى غەلىبىسى، ئۇلارنى سەيشەنبە (7-ئىيۇل) كۈنى ئاتلانتادا ئۆتكۈزۈلىدىغان 16 كۈچلۈك كوماندا مۇسابىقىسىگە قاتنىشىش سالاھىيىتىگە ئىگە قىلدى. مىسىر كوماندىسى ئارگېنتىنا ياكى كېپ ۋېردې كوماندىسى بىلەن ئۇچرىشىدۇ. (بۇ ئىككى كوماندا جۈمە كۈنى كەچتە مىيامىدا مۇسابىقىلىشىدۇ.)
ئاۋىستىرالىيە كوماندىسى 2006-يىلى ئىتالىيەگە 1 گە قارشى 0 نەتىجە بىلەن، 2022-يىللىق دۇنيا لوڭقىسىدا ئارگېنتىناغا 1 گە قارشى 2 نەتىجە بىلەن ئۇتتۇرۇپ قويغان ئىدى.
«ئۇ توپنى مەن تېپىشىم كېرەك ئىدى»
غەلىبىدىن كېيىن ھاياجانلانغان مۇھەممەد سالاھ: «بۇ بىر تارىخ» دېدى.
ئۇ يەنە:«مەن مۇسابىقىدىن ئىلگىرى بالىلارغا بۇسىلەر ئوينايدىغان ئەڭ چوڭ سەھنە،ئۆزەڭلارغا بېسىم قىلماي مۇسابىقىدىن ھۇزۇر ئېلىڭلار دېدىم» دېدى.
