ئەلى ھامەنىي ئامېرىكا-ئىسرائىلىيەنىڭ ھاۋا ھۇجۇمىدا ئۆلتۈرۈلگەندىن كېيىن، مۇجتەبا ھامەنىنىڭ ئىراننىڭ يېڭى دىنىي رەھبىرى بولۇپ تەيىنلىنىشى بىلەن، نېفىت باھاسى 105 دوللاردىن ئېشىپ كەتتى ۋە قىسقا ۋاقىت ئىچىدە 108 دوللارغىچە ئۆرلىدى.

Trading Economics ئەپىنىڭ يەكشەنبە كۈنى ئېلان قىلغان سانلىق مەلۇماتلىرىغا قارىغاندا، بازارلار ئىراندا يۈز بەرگەن ئرۇشلارغا تەتۈر ئىنكاس قايتۇرغان، ئوتتۇرا شەرق تۇقۇنۇشى كەسكىنلەشكەن ۋە دۇنيا نېفىت توشۇش يولىدىكى مۇھىم تۈگۈن بولغان ھورمۇز بوغۇزىدىكى ئېنىقسىزلىقنىڭ داۋاملىشىشىغا ئەگىشىپ، خام نېفىت باھاسى شىددەت بىلەن ئۆرلىگەن.

خەلقئارالىق ئۆلچەم ھېسابلانغان برېنت نېفىتىنىڭ ۋارىل باھاسى، شىكاگو سودا بىرژىسىدا سودا قايتا باشلانغاندىن كېيىن، جۈمە كۈنىدىكى بازار يېپىلىش باھاسى بولغان 92.69 دوللاردىن %9.2 ئۆرلەپ 101.19 دوللارغا يەتكەن.

ئامېرىكا قوشما ئىشتاتلىرىدا ئىشلەپچىقىرىلىدىغان يېنىك نېفىت بولغان غەربىي تېكساس خام نېفىتى (WTI) نىڭ ۋارىل باھاسى تەخمىنەن 107.06 دوللارغا چىقتى. بۇ جۈمە كۈنىدىكى يېپىلىش باھاسى بولغان 90.90 دوللاردىن %16.2 يۇقىرى ئۆرلىگەنلىكىنى كۆرسىتىدۇ.

بازانىڭ ئەھۋالىغا قاراپ، ئىككى خىل نېفىتنىڭ باھاسى يەنە ئۆسۈشى ياكى تۆۋەنلىشى مۇمكىن.